Маңғыстау шаруаларына шөп жинаған Құрмет Талапқазы үйлі болды
Қуаңшылықтан зардап шеккен шаруаларға шөп жинап, тегін таратқан Құрмет Талапқазы баспаналы болды. Бұрын пәтер жалдап жүрген белсенді азамат Жаңа жылды енді өз шаңырағында қарсы алады. Құрметтің үйіне деп жартысын қарапайым халық, қалған бөлігін кәсіпкер қосқан. Барлығы 18 миллион теңге небәрі екі-ақ күнде жиналған, деп хабарлайды Stan.kz ақпарат агенттігі 31-арнаның "Информбюро" бағдарламасына сілтеме жасап.
Жиналған қаржыға Құрмет Талапқазы Шымкенттің шетінен үш бөлмелі үй алған. Енді отбасын құрып, үй ішін жанға толтырмақ. Өзінің игі ісімен көзге түскен белсендіге жуықта ғана жоғары оқу орнының гранты бұйырған болатын. Сондықтан ол білімі мен қайырымдылық шарасын қатар жалғастырмақ. Айта кетсек, Құрмет Талапқазы қуаңшылықтан мал қырылып жатқанда Маңғыстауға 6 вагон шөп жинап, жолдаған болатын.
"8 сотық жерімен 3 бөлмелі үй алдым. Құдай қаласа атамыз бар, апамыз бар, ол кісілер жалдамалы үйде жүр сол кісілерді қасыма әкелу ойымда бар, алдағы уақытта үйлену ойымда бар, халқыма рақмет, ағаларыма рақмет", - деді Құрмет Талапқазы.
Талқылау
"Дүкенде дөрекілік танытып, қонақүйге кіргізбеді": Қазақстандық блогер Ресей мен Беларусьтегі сапарындағы күтпеген әсерлерін айтты
Блогердің сөзінше, Ресей мен Украина арасындағы соғысқа қарамастан жергілікті халық күнделікті күйбең тіршілігін жалғастырып жатыр
"Суды артық пайдаланса, тариф 30% қымбаттайды": Қазақстандықтар су нормасы туралы жаңа ережеге қарсы шықты
Министрліктің мәліметінше, бұған дейін әр өңірде су бағасы әртүрлі есептелген