Мақтаралдағы ауыл 100% су астына кеткен
Мақтарал ауданындағы Фирдауиси ауылы 100% су астына кеткен. Бұл туралы Түркістан облысы әкімінің орынбасары Сәкен Қалқаманов Facebook-тегі тікелей эфир кезінде айтты, деп хабарлайды Stan.kz ақпарат агенттігі.
Оның ақпаратына бойынша, ауданда төрт ауылды су басқан.
"Нақтырақ айтсақ, 46 үй - Жаңа Тұрмыс ауылында, 130 үй - Жеңіс ауылында, Фердауисиде 250 үй және Өргебас ауылында 194 үй су астында қалды. Тағы бір ауылдың ақпараты туралы мәлімет айтылып жатыр, оны тексереміз. Жалпы, 620 үй зардап шекті", - деді Түркістан облысы әкімінің орынбасары.
Сәкен Қалқамановтың сөзінше, су басқан ауылдардың тұрғындарына көмек беру үшін арнайы қор құрылады. Ол "Нұр Отан" партиясының қолдауымен жүзеге асырылады.
Сонымен қатар, азық-түлікпен қолдау көрсетуге ниеттілер үшін қойма дайындалады.
Айта кетейік, Жамбыл облысы ауданға көмек көрсету үшін 3 тонна азық-түлік жіберген.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық