Макс Ферстаппен "Формула-1" маусымының екінші жарысында да жеңімпаз атанды
Фото: Mark Thompson / Getty Images Sport
Нидерландтық Red Bull командасының жарысушысы Макс Ферстаппен 2025 жылғы "Формула-1" маусымының жетінші кезеңі – Эмилия-Романья Гран-приінде жеңіске жетті. Бұл туралы Stan.kz ақпарат агенттігі хабарлайды.
Жарыс 18 мамырда Италиядағы Энцо мен Дино Феррари автодромында (Имола қаласында) өтті.
Ферстаппен екінші орыннан жарысты бастап, бірінші бұрылыста-ақ McLaren командасының пилоты, поул-позиция иегері Оскар Пиастриді басып озды және бүкіл жарыс бойы көшбасшылықты сақтап қалды. McLaren командалық тактика арқылы (андеркат стратегиясы) жағдайды өзгертуге тырысқанымен, Ферстаппен өз артықшылығын сақтап, бірінші болып мәре сызығынан өтті.
Екінші орынды McLaren-нің тағы бір пилоты Ландо Норрис иеленді. Ол соңғы айналымдарда Ферстаппенге қатты жақындағанымен, 0,725 секунд артта қалып, озуға мүмкіндік таппады. Үшінші орынды Ferrari пилоты Шарль Леклер иеленді, оның жеңімпаздан артта қалуы 7,916 секунд болды.
Бұл кезеңнен кейін жалпы есепте Оскар Пиастри 146 ұпаймен көш бастап тұр. Одан кейін Ландо Норрис (133 ұпай) және Макс Ферстаппен (124 ұпай) орналасқан.
Келесі "Формула-1" кезеңі – Монако Гран-приі 2025 жылдың 24-26 мамыр аралығында өтеді.
"Жиырмадан асқан жігіттер қырындайды": Қызының қатарласындай жас көрінетін 40 жастағы қазақстандық әйел желі жұлдызына айналды
