Соңғы жаңалықтар
Соңғы жаңалықтар

Маңғыстау облысында 26 миллиондық арқар етін сатпақшы болған браконьерлер ұсталды

Маңғыстау облысында Қызыл кітапқа енген аңдардың етін бөлшектеп сатпақшы болған браконьерлер ұсталды. Алдын ала деректер бойынша, келтірілген шығын сомасы 26 миллион теңгені құрайды. Бұл туралы Маңғыстау облыстық орман шаруашылығы және жануарлар дүниесі аумақтық инспекциясының маманы Талғат Аленов мәлімдеді, деп хабарлайды Stan.kz ақпарат агенттігі Lada.kz басылымына сілтеп хабарлайды. 

аң

Браконьерлік фактісі облыстың Қарақия ауданында 19 қаңтарда болған.

Инспекторлар күдікті көлікті тоқтатуға тырысқанымен, машинаның ішіндегі тәртіп бұзушылар инспекция қызметкерлерінің талаптарына бағынбады.

"Жедел іс-қимыл жүргізу кезінде оқиға орнында автокөлік жүргізушісі ұсталды, кейінірек қашып кеткен үш жолаушының бірі ұсталды. Салонды тексеру кезінде инспекторлар екі арқардың төрт қаптағы және екі қоянның еті салынған бір пакет етін тапты, - деп хабарлады Талғат Аленов.

Кейін инспекция қызметкерлері құқық бұзушылардан арқардың екі терісін, жануардың басын, аяқ бөліктерін және жасырын аңшылық мылтықты тапты. Аңшыларға қатысты Қазақстан Республикасы Қылмыстық кодексінің 339-бабы бойынша тергеу іс-шаралары жүргізіледі.

"Алдын ала болжау бойынша, екі арқарды заңсыз атқаны үшін келтірілген залал сомасы 26 миллион 253 мың теңгені құрайды", - деп қосты Талғат Аленов.

Талқылау
Пікір
Қазір оқып жатыр
Çàãðóçêà...
Қазір оқып жатыр