Li Auto ресми түрде Қазақстан нарығына шығады

2025 жылғы 29 тамызда Қытайдың жетекші гибридті және электрлі премиум автокөліктерін өндіруші Li Auto Inc. Қазақстан нарығына ресми түрде шыққанын мәлімдеді. Қазақстандық Allur автокөлік компаниясымен әріптестік туралы келісім аясында, брендтің алғашқы ресми дилерлік орталығы Астанада ашылады.

Бұл орталықта ең көп сұранысқа ие үш модель ұсынылады: Li L6, Li L7 және Li L9. 

"Біз жаһандық нарықтағы қатысымызды кеңейте отырып, Қазақстанды болашағы зор, маңызды нарық ретінде қарастырамыз. Осы елге ресми шығу – біздің жаһандық даму стратегиямыздағы маңызды қадам. Allur компаниясымен әріптестік арқасында біз қазақстандық тұтынушыларға жоғары технологиялы, сапалы автокөліктер мен сенімді сервисті ұсына алатынымызға сенімдіміз", – деді Li Auto компаниясының халықаралық бизнес жөніндегі басқарушы директоры Нестор Ву.

Сонымен қатар ол компанияның сұр импортпен күреске ерекше назар аударатынын атап өтті. Li Auto жүйесінде Қытайдан Қазақстанға ресми емес жолдармен жеткізілген автокөліктерді анықтау механизмдері енгізіліп жатыр.

Allur өз тарапынан брендтер ассортиментін арттыру және Қазақстанның әлемдік автөнеркәсіптегі позициясын күшейту бойынша стратегиялық жоспарды қолдайтынын растайды. 

"Li Auto сияқты инновациялық және болашағы зор брендпен келісімшарт жасауға қуаныштымыз. Қазақстандағы компанияның бірінші серіктесі болу біз үшін үлкен мәртебе, және автомобиль нарығында жаңа стандарттарды бірге дамытуға ниеттіміз. Li Auto ресми клиенттері түпнұсқа қосалқы бөлшектермен толық сервистік қызметке және екі жыл немесе 100 мың километрге дейінгі кепілдікке ие болады", – деді Allur компаниясының бөлшек сауда жөніндегі басқарушы директоры Мұхамед Әлімханов.

Қазақстанда Li Auto компаниясының алғашқы ресми дилерлік орталығы 2025 жылдың қараша айында ашылады, ал автокөліктерге алдын ала тапсырыс беру қыркүйектен бастап Астанадағы Тұран даңғылы, 59/4 мекен-жайындағы Allur автоорталығында қолжетімді болады.

Li Auto компаниясы туралы

2015 жылы құрылған Li Auto Inc. Қытайдың жаңа энергия көліктері нарығындағы жетекші компаниялардың бірі болып табылады. Компания премиум деңгейдегі ақылды электр көліктерін жобалап, дамытып, шығарып және сатумен айналысады. Оның миссиясы - мобильді үй жасау және бақыт сыйлау.

Өнімдердегі, технологиялардағы және бизнес-модельдердегі инновациялар арқасында компания отбасыларға қауіпсіз, ыңғайлы әрі жайлы автокөліктер мен қызметтер ұсынады. Li Auto Қытайда ұзартылған жүріс қашықтығы бар гибридті көліктерді табысты танымал етудің алдыңғы қатарлы компаниясына айналды. Осы технологиялық платформаны дамытумен қатар, компания электр көліктеріне арналған шешімдерді де параллель түрде әзірлеп отыр.

Көліктердің сериялы өндірісі 2019 жылдың қарашасында басталды. Модельдік қатарға флагмандық отбасылық минивэн, ұзартылған жүріс қашықтығына ие Li L сериясынан төрт гибридті жол талғамайтын көлік және Li i сериясынан бір электрлік жол талғамайтын көлік кіреді.