Қызылорда облысында жергілікті тұрғыннан 27 тонна балық тәркіленді
Қызылорда облысы Қазалы ауданының прокуратурасы азаматша Құрманғалиеваға тиесілі балықтарды тәркілеген.
Фото: inform.kz
27 тонна балық тоңазытқышта сақталыпты. Бұл туралы облыстық прокуратураның баспасөз қызметі хабарлап отыр.
Аталған дерек бойынша аудандық прокуратура әкімшілік құқық бұзушылық кодексінің 389 бабы 1 бөлімі негізінде хаттама толтырған. Талапқа сай ветеринарлық құжаттардың болмауына байланысты дерек сотқа жөнелтілді.
Сот шешімімен балықтар тәркіленіп, ереже бұзған азаматшаға 10 АЕК көлемінде айыппұл салынған. Тәркіленген балықтар өкілетті орган арқылы сатылып, бюджетке 1,5 миллион теңге түскен.
Талқылау