1 маусым күні кешке Ниноя Акино атындағы Филиппин халықаралық әуежайына қарма қарсы бетте орналасқан Resorts World Manila қонақ үй кешенінде атыс пен жарылыстар естілді, деп хабарлайды РИА Новости.

Кейіннен полицияда түсіндіргендей, шабуылшы, құмар ойыншы, шабуылды винтовкамен қаруланып алып, қонақ үйдегі казиноны тонамақ болған. Ол оқ жаудырып (адамдарға қарай емес) ойын столдарын өртеді, салдарынан ғимаратта өрт шықты. Көпшілігі ғимаратта оқшауланып қалды, салдарынан тұншығып қаза болды. Алдымен 25 ауруханаға жеткізілген зардап шегуші туралы хабарланған. Алайда кейіннен 34 адамның мүрдесі мен кем дегенде 50 зардап шегуші туралы ақпарат түсті.

АҚШ президенті Дональд Трамп Ақ үйдің Маниладағы “террористік шабуылды” мұқият бақылап отырғанын мәлімдеді. Сондай-ақ БАҚ-та шабуыл үшін жауапкершілікті ИМ (Қазақстан, Ресей және өзге де мемлекеттерде тыйым салынған) террористік тобының мойнына алғаны хабарланған. Алайда Филиппин полициясының басшысы Рональд Дела Роза оқиғаның тонау екенін және оның терроризмге қатысы жоқтығын мәлімдеді. Ал ИМ болуы мүмкін деген мәлімдемелерді насихаттау деп атады. Тонаушы 130 миллион филиппин песосын (2,6 миллион АҚШ доллары) қолды еткен. Алайда шабуылшы өзіне қол салды. Кейінен полиция оның табысы салынған сөмкені тауып алды.

Тағы да оқыңыз:

Астанада азан шақыру үшін концертті тоқтатты

Бойжеткен түшкіремін деп мойнын шығарып алды

Жаңа ереже бойынша барлық қазақстандықтардың телефоны тыңдалымға қойыла ма

Талқылау