"Көзіме жара шығып кетті, кірпіктерім енді өспейді": Жүкті Мақпал Исабекова денсаулығында болған өзгерістерді айтты
Мақпал Исабекова денсаулығында күрделі мәселелерге қалай тап болғанын айтып берді. Әнші бұл дерттің салдары туралы айтып, болашақ аналарды өздеріне мұқият болуға шақырды.
Әнші өзінің Instagram парақшасында айтқандай, ақпан айының басында ол көзі ауыра бастаған. Көзі шаншып, ауырлық сияқты сезілген екен.
"Келесі күні ыңғайсыздық анық байқалып, ауырсына бастады, оң жақ қастың үстінде, мұрын маңдай терісінде ісінулер пайда болды. Орны қыши бастады. Оң жақ көздің шырышты қабатының ішкі жағында да, үстіңгі жақтың сыртқы жағында да бөртпелер пайда болды. Оң құлағымның төменгі бөлігі ісінді", – деді әнші.
Исабекова дәрігерлердің нақты диагноз қоя алмағанын жазды.
"Менің жағдайым күннен-күнге нашарлай бастады, эмоционалды түрде одан да нашар болды. Мен нәресте үшін алаңдадым, ұйықтай алмадым. Өйткені қатты қышындым, дірілдеп ауырдым, оң көзім ашылмады. Жүктілікке байланысты гормоналды ауытқулар пайда болып, үнемі жылай бердім", – деп есіне алады Мақпал.
Оның айтуынша, дәрігерлер не болып жатқанын алғашында түсіне алмаған.
"Емдеудің қандай да бір түрін қабылдаудың уақыты келгенін түсіндім, бірақ екінші жағынан, дәрінің маған көп ішуге болмайтынын да түсіндім, ал дәрігерлер мені қалай емдеу керектігін білмеді. Дерматологке жіберді. Ол “Зостер герпесі” деген диагноз қойды. Бұл герпес желшешек ауруының асқынған түрі, ол иммунитеттің төмендеуімен, суық тигенде, қатты күйзелісте пайда болуы мүмкін. Бірақ менде бұндай жағдайлар болған жоқ”, – деп түсіндірді Исабекова.
"Бірақ сол кезеңде бастан өткергенімді есіме түсірсем, тіпті ауырады. Қазір бәрі жақсы. Мұрнымда жаралардың тыртықтары ғана қалды. Қабағымда жара болған орындарда кірпіктер енді өспейді", – деді ол.
Исабекова болашақ аналарды өздерін күтуге шақырды.