"Көз тиеді": Жазира Байырбекова баласын бір жастан кейін көрсететінін айтты

Жазира Байырбекова баласын бір жастан кейін көрсететінін айтты, деп хабарлайды Stan.kz ақпарат агенттігі "Ревью" бағдарламасына сілтеме жасап.

Жұлдыздар қауымы балаларын жұрттың көзінен жасыруды жөн көреді. Олар ұл-қызын бір жасқа, тіпті кейде әбден есейгенге дейін елге көрсетпей, артынша жария етіп жатады. Бұл туралы Жазира Байырбекова өз ойын білдіді.

Танымал өнер иесі бүгінде бір баланың анасы. Кәмелеттік жастан асып кеткен ұлынан өзге перзент сүйе алмаған әнші балалы болса, біраз уақыт бойы жұрттан жасыратынын айтып ағынан жарылды. Оның сөзінше кішкентай балаға тез көз, сөз тиіп кетуі әбден мүмкін.

"Көз тиу деген дәлелденген нәрсе ғой. "Сақтықта қорлық жоқ". Алла қаласа сәбилі болып жатсам, бір жасында халыққа бірақ көрсетемін", - дейді Жазира Байырбекова.

Осылайша әнші ырым-тыйымға сеніп, салт-дәстүрді берік ұстанатынын байқатқан.