Қостанайда фельдшерді ұрып-соққан апалы-сіңлі бас бостандығынан шектелді
Қостанайда жедел жәрдем фельдшерін соққыға жыққан апалы-сіңліге қатысты сот шешім шығарды. Айыпталушы Хатира және Лейла Джабраиловалар 1 жылға бас бостандығынан шектелді. Бұл туралы Stan.kz ақпарат агенттігі Костанайские новости порталына сілтеме жасап хабарлайды.
Фото: Костанайские новости
Айыпталушылар бас бостандығымен шектеліп қана қоймай, жәбірленуші Анель Баймұрзинаға моральдық зиян келтіргені үшін 1 миллион теңге өтемақы төлеуге міндеттелді.
51 жастағы Хатира мен 41 жастағы Лейла Джабраиловалар қызметтік міндетін атқарғанда немесе кәсіби не қоғамдық борышын орындауға келген тұлғаға жабылып, оған қасақана жеңіл дене жарақатын келтірді деп айыпталды.
Үкімді естіген сотталушылар өз эмоцияларын жасыра алмады. Судья оларды бірнеше рет тәртіпке шақыруға мәжбүр болды.
Еске салайық, бұған дейін Қостанайда науқастың шақыртуына барған жедел жәрдем қызметкері Анель Баймурзинаның өзі соққы алып, ауруханадан бір-ақ шықты. Оған науқастың жақындары шабуыл жасаған. Анель Баймурзинаның айтуынша, ол сол түні түнгі ауысымға түскен. Жедел жәрдемге “Демікпе, жүрек” деп шақырту түскен.