Қостанай облысында әйелге қасқыр шапқан

Қостанай облысындағы Ақкөл ауылының тұрғыны өзіне қасқыр шабуыл жасағанын мәлімдеді, деп хабарлайды Stan.kz ақпарат агенттігі "Костанайские новости" басылымына сілтеме жасап.

Жергілікті дәрігерлер әйелге антирабиялық вакцина (құтыруға қарсы) салған, үш күн бойы бақылауда ұстаған. Қасқырды жәбірленушіден басқа ешкім көрмеген.

Сарапшылардың пікірінше, жануар қасқыр болмауы мүмкін екен.

"Жәбірленушіні ауруханаға жеткізді, ал біз оған бірінші болып құтыруға қарсы вакцина салдық. Ол әрқашан белгісіз жануар тістеген жағдайда салынады. Бұл жағдайда тіпті тістеу емес, тістердің іздері де болған", - деді аудандық орталық аурухананың бас дәрігері Қуат Әлмағамбетов.

Ол қасқырдың адамға шабуыл жасауы соңғы екі жылдағы бірінші жағдай екенін атап өтті. Оқиғаға байланысты ешкім жәбірленушіден шабуылдың қай жерде және қалай болғанын сұрамаған.

• "Қолымен сұлатып салды": Қазақ қойшы қасқырды қару қолданбай өлтірді
• Қасқырдың күшіктеуін тоқтататын күшәла қандай дауаға ем?
• Қасқырдың жатырымен емдейтін апа: Екі дүние арасындағы елшімін

Бұл ретте Қостанай облыстық аңшылар мен балықшылар қоғамының басшысы Анатолий Коваленко жағдайға түсініктеме берді.

Ол әйелге қасқыр шабуыл жасағанын жоққа шығармайды. Алайда әйелдің сөзіне сеніңкіремейді.

"Егер әйел таңертең сарайға кіріп, онда жануар болса, бұл мүмкін. Ол не істеу керек еді? Шығу жолы - оған шабуыл жасау. Тағы бір нұсқа - көшеде кездесуі мүмкін. Аң жараланған немесе әлсіз болса, ол қашып кетпейді, бірақ шабуыл жасайды", - деді Коваленко.

Оның айтуынша, биылғы қыста облыста қасқырлар саны азайған. Шабуыл болған жерде олар тіпті сирек кездеседі. Осыған байланысты ол жергілікті тұрғындарды қасқырлардан қорықпауға шақырды.

"Бұл үлкен жабайы ит болуы мүмкін", - деді аңшы.