Қорғаныс министрлігі Жеңіс күніне орай әскери парадтың неліктен өтпейтінін түсіндірді

Қорғаныс министрлігі биыл Жеңіс күніне орай әскери парадтың өткізілмеу себебін түсіндірді. Бұл туралы ведомствоның баспасөз қызметі мәлімдеді, деп хабарлайды Stan.kz ақпарат агенттігі. 

Қорғаныс министрлігінің мәліметінше, әскери парад бюджет қаражатын үнемдеуге байланысты жоспарланбаған. 

"2022 жылы Қазақстанда бюджет қаражатын үнемдеуге және басқа да міндеттерді шешу қажеттілігіне байланысты әскери парад өткізу жоспарланып отырған жоқ", –  делінген министрлік хабарламасында.

• Қорғаныс министрлігі әскери шақыру бойынша медициналық тексеруге келмеген азаматтарға айыппұл салынатынын ескертті

• Көшеде жүрген жерінен алып кеткен: Елорда тұрғыны ұлын бұзақы сияқты ұстаған шақыру комиссиясы әрекетіне шағымданды

Министрлік Қазақстан Қарулы күштері бөлімшелерінің жауынгерлік әзірлігі мен ұтқырлығының қажетті деңгейін қолдауға, мемлекеттік және әскери нысандарды күзету мен қорғауды қамтамасыз ету жөніндегі тапсырмаларды орындауға басымдық беріп отыр. 

Айта кетейік, бұған дейін елімізде Жеңіс күніне орай әскери парадтың өтпейтінін хабарлаған едік.