Комиссия мүшелері қазақстандықтардың олимпиадалық киімдерін жарамсыз деп таныды
Астанада өткен киім көрсетілімі кезінде олимпиадалық формалардың біздің спортсмендерге сай еместігі айтылды. Чемпиондардан құралған комиссия мүшелері отандық дизайнерлердің өнімін түсіне байланысты жарамсыз деп таныды.
Олар киім үлгілерін ту түстес болады деп күткен. Алайда, формалар қанық көк-сары түсті болып шыққан.
«Біз жарыстарға үнемі көк сары формамен шығатынбыз. Ал, мында түсті аздап өзгертіпті. Модельдер мінберде тұрғанда киімнің түсі нашар көрінді. Кейін олар басқа жерге барып суретке түскенде ол мүлде өзгеріп кетті», -дейді Ольга Шишигина.
Zibroo фирмасының дизайнерлеріне бұл олқылықты түзеу үшін бір апта уақыт берілді. Олар қайтадан жаңа киім түрін таныстыратын болды. ҚР мәдениет жіне спорт министрлігі де бұл ақпаратты растады.
Бұған дейін Астанада Қазақстанның олимпиада құрамасының киімін таныстырғаны жайлы хабарлаған болатынбыз.
Талқылау
"Қысқа мерзімді жеңілдіктер ұзақ мерзімді дағдарысқа ұласуы мүмкін": Сарапшылар Қазақстанда шұғыл енгізілетін шараларға қатысты пікір білдірді
Оның айтуынша, жаңа салық кодексінде әзірге айтарлықтай өзгеріс жоқ
