Көлсай маңындағы қонақүй көл шатқалына кәріз суын төгіп келген (видео)
Алматы облысының тұрғындары қонақүйден Көлсай көліне қарай салынған құбырды тапты. Тұрғындардың айтуынша, қонақтүй кәріз суын көлге төгіп келген. Бұл туралы Stan.kz ақпарат агенттігі хабарлайды.
Фото видеодан алынған
Әлеуметтік желіде жергілікті тұрғындар септикалық резервуардың құбырларын қазып алған видео тарады. Видеода қонақүй иесі көлдің шатқалына кәріз суын төгіп тастады.
Бұдан кейін жергілікті тұрғындар әкімшіліктің рұқсатымен Kolsay Lakes Town аймағына өтіп, құбырлардың шынымен сол жерден шығып, оларды қар мен жердің астынан қазып алғанына көз жеткізген.
Көлсай көлінің бойындағы JS TRAVEL ЖШС кәріз суларын ағызуға қатысты жүргізілген тексеру нәтижелеріне сәйкес бұзушылықтар анықталды.
"2024 жылы 18 ақпан күні бұзушылықтар туралы акті Кеген ауданының полициясында тіркелді”, – делінген әкімдік хабарламасында.
Белгілі болғандай, JS TRAVEL – Kolsay Lakes town қонақүйінің иелерінің бірі.
Қазақстан Республикасының заңнамасына сәйкес компанияға қатысты істі қарау бойынша Алматы облысының экология департаментіне жіберілді. Сонымен қатар заңға сәйкес қонақүй иесіне одан әрі әрекет ету үшін экология департаментіне келу туралы хабарлама жіберді.
Анықталған бұзушылықтарға қарамастан, компанияның өзі бұл фактіні жоққа шығарады. Ол әлеуметтік желілерде қауесеттерге сенбеуді сұрап, табиғатты қорғайтынын мәлімдеді.
"Құрметті қазақстандықтар! Біздің демалыс базасының кәріз септикасы туралы ақпаратқа қатысты жағдайды нақтылағымыз келеді. Біздің компания мамандандырылған полигонға кәріз суларын ағызуға мүмкіндік беретін өзінің ассенизаторы бар жалғыз компания. Біз барлық экологиялық нормаларды қатаң сақтаймыз және жалған ақпаратқа сенбеуіңізді сұраймыз. Сонымен қатар біз Қазақстанның табиғатын бағалаймыз және оны қорғауға тырысамыз! Түсіністік танытқандарыңыз үшін рахмет", – деп атап өтті JS TRAVEL өкілдері.
Еске салайық, бұған дейін желіде Қаракөлге қара қошқыл сұйықтықтың төгіліп жатқаны түсірілген кадрлар пайда болған. Осыдан кейін Қаракөлге тазартылмаған қалдық су төгілуі мүмкін екені айтылды.
21 желтоқсаннан бері үш апта бойы Қаракөлде аққулар жаппай қырылған. Олардың саны қазір 870-ге жетіп отыр. Ресми мәлімет бойынша, бастапқы тексеріс қорытындысы "аққулар құс тұмауынан өлген" болуы мүмкін екенін көрсеткен. Кейін мамандар "құстар жем таппай суықта қырылған" деген тұжырым жасаған. Егер Қаракөлде аққулардың қырылуына қонақүй кінәлі екені расталса, оған айыппұл салынуы мүмкін екені айтылды.
"Саған дейін қанша иесі болған?": Әйелдерге қатысты анайы жарнамалары үшін сынға қалғандар кімдер
