Көкшетауда марафоннан кейін әйел көз жұмды
Фото: unsplash.сom
Көкшетаудағы жартылай марафонға қатысқан әйелге бес километрлік қашықтықта жүріп жатқан кезде ауыр сезім пайда болып, оны ауруханаға жеткізгенімен, әйелдің өмірін сақтап қалу мүмкін болмады. Бұл туралы Stan.kz ақпарат агенттігі хабарлайды.
Ақмола облысының дене шынықтыру және спорт басқармасының мәліметінше, 23 тамызда сағат 21:50-де "Көкшетау шамдары" жартылай марафоны кезінде Сәдіғұлов/Жағалау көшелерінің қиылысында төртінші километрде 35 жастағы әйелге жағдайы нашарлаған. Қатысушы 5 шақырымды қашықтықты жүріп келе жатқан.
"Ұйымдастырушылар ережеге сай әрекет етті. Медициналық қызмет, жедел көмек және полиция оперативті және уақытылы жұмыс істеді. Дәрігерлер келгенге дейін зардап шеккеннің жанында облыстық аурухананың реаниматолог дәрігері Индира Сарыбаева және спорт мектебінің медигі Рустам Құлтаев болып, дереу реанимациялық шараларды бастады. Қарсы-шоктық жағдайда реаниматологпен бірге тексерілді, жүрек қызметі тоқтады. Реанимация бөліміне жатқызылды. 24 тамызда сағат 05:45-те қатысушының биологиялық өлімі тіркелді", – делінген хабарламада.
Медициналық қызметкерлер басқарма қызметкерлеріне хабарлағандай, қатысушының өліміне нақты себеп сот-медициналық сараптамадан кейін белгілі болады және оның қорытындылары жақындарына жеткізіледі.
"Марафонға тіркелу кезінде барлық қатысушылар физикалық тұрғыдан дайын екені және өз денсаулығына толық жауапты екені жөнінде жазбаша келісімге қол қояды. Бұл әлемде осындай марафондарды ұйымдастыруда қабылданған тәжірибе. Жарыс күні үш нүктеде алғашқы медициналық көмек көрсетуге қажетті медициналық персонал орналастырылды. Барлық маршрут полиция қызметі мен жедел медициналық көмек қызметтерімен алдын ала мұқият жоспарланады", – деп қосты басқарма.
Ақмола облысы полиция департаменті әйелдің өлімі бойынша қылмыстық іс қозғалып, тергеу жүргізіліп жатқанын хабарлады.
75 жастағы ұлытаулық ақсақал Атлант мұхитына дейін жаяу бармақ
Еске салайық, бұған дейін Алматыда марафонның екі қатысушысы көз жұмғанын жаздық. 20 сәуірде Алматыда өткен Almaty Half Marathon кезінде 84 жастағы Аққоян Рсалиев пен 21 жастағы Нұрбол Ахмади жарыс кезінде кенеттен ауырсып, көз жұмды. Жедел жәрдем дереу келгенімен, құтқару мүмкін болмады. Өлім себептері сот-медициналық сараптама қорытындысында анықталды.
Жаңа оқу жылында бір оқушыны мектепке дайындау қанша тұрады: Ата-аналар шығындарымен бөлісті
