Қытай Латын Америкасына "көз тікті"

Соңғы онжылдықтарда ҚХР Латын Америкасының көптеген елдерімен, соның ішінде Бразилия және Венесуэламен тығыз экономикалық және қауіпсіздік байланыстарын орнатты. Қытайдың АҚШ-пен іргелес аймақтағы ықпалының күшеюі Вашингтонды алаңдатты, деп хабарлайды Stan.kz ақпарат агенттігі.

Коллаж: Katehon.com

Қытайдың мемлекеттік компаниялары Оңтүстік Америка құрлығының көптеген елдеріндегі инфрақұрылымдық, энергетикалық және ғарыштық жобаларға белсенді түрде инвестиция салуда. Сонымен бірге Бейжің мұндағы дипломатиялық, мәдени және әскери қатынасты кеңейтуде.

Коронавирустық пандемия кезінде Қытай Бразилияға және көрші елдерге миллиондаған доза вакцина, сондай-ақ COVID-19 салдарымен күресу үшін несие берген. Қытай Даму Банкі Латын Америкасындағы жетекші несие берушілердің бірі болып табылады.

Енді АҚШ осының бәрін Бейжің өзінің геосаяси мақсаттарына жету үшін пайдаланып жатыр деп қауіптенеді.

ҚХР басқа нәрселермен қатар Тайваньды оқшаулау мақсатында өзінің ықпал ету аясын кеңейтуді қалайтынын жасырмайды, сондықтан Тайваньның егемендігін мойындайтын елдермен дипломатиялық қарым-қатынастан бас тартады.

• Путин Ресей мен Украина арасындағы соғысқа араласқысы келетін елдерге сес көрсетті


• "БҰҰ басшысы Қытайдағы жағдайдан хабарсыз болып шықты": Қазақстандық белсенді қандастардың мәселесі жайында

Қытайлықтар әсіресе Венесуэла, Куба және Никарагуамен тығыз байланыста. Латын Америкасының көптеген елдеріндегі - Перу, Бразилия, Парагвай және Венесуэладағы қытай диаспорасы қазірдің өзінде халықтың рекордтық 5% құрайды. 

Қытай әскери ынтымақтастыққа ерекше көңіл бөледі. Соңғы 10 жылда Бейжің Венесуэлаға 615 миллион доллардан астам қару-жарақ сатты, Боливия мен Эквадор сонымен қатар Қытайдың әскери ұшақтарын, жерүсті жабдықтарын және әуе қорғанысы радарларын сатып алды. Қытайдың әскери қатысуы оның Гаитидегі бітімгершілік операцияларына қатысуынан, Боливия полициясына тәртіпсіздікке қарсы құрал-жабдықтарды, Гайана мен Тринидад және Тобаго полиция күштеріне мотоциклдерді беруінен көрінеді.

Қытайдың Латын Америкасындағы рөлі 2000 жылдан бері тез өсті.

Бірақ Америка Құрама Штаттары мен оның одақтастары Бейжің бұл қатынастарды өзінің геосаяси мақсаттарына, соның ішінде Тайваньды одан әрі оқшаулауға және авторитарлық режимдерді нығайтуға пайдаланады деп қорқады. Қытайды аймақтағы "стратегиялық бәсекелес" ретінде қарастыратын АҚШ президенті Джо Байден оның өсіп келе жатқан ықпалына қарсы тұрудың жолдарын іздеуде.