Қырғызстан президенті елдің тәуелсіздігінен айырылып қалу қаупі туралы айтты
Қырғызстан президенті Садыр Жапаров сыртқы қарызын төлемегендіктен ел тәуелсіздігін жоғалту қаупі бар екенін мәлімдеді, деп хабарлайды Stan.kz ақпарат агенттігі РИА Новости.
"Алдағы 10 жылда біз 30 жылда жинаған қарызымызды өтеуіміз керек. Төлемесек, елдің тәуелсіздігіне қауіп төнетінін білесіздер", - деді Жапаров Қырғызстан парламентінің отырысында сөйлеген сөзінде.
Ол сыртқы қарызды төлеудің шарықтау шегі оның президенттік мерзіміне келгенін атап өтті. Биыл Қырғызстан 289 миллион доллар, келесі жылы шамамен 314 миллион доллар қарыз төлеуі керек.
Дүниежүзілік банктің зерттеуіне сәйкес, Қытайдың дамушы елдерге жаппай несие беру саясаты көптеген үкіметтерді қарыздарын төлеуді тоқтатуға әкелгені бұрын хабарланған болатын. Несиелерді қайта құрылымдауға Қырғызстан, Украина, Тәжікстан және Қазақстан сияқты елдер қатысқан.
Талқылау
Пікір