“Жаяу жүргіншілер жолында бала қағып кеткен. Біз 8-9 қараша күндері Салтанаттың өліміне қатысты куәгерлерді іздеп, халықтан көмек сұрадық. Осы кезде бізге бұған дейін болған ескі оқиғалар туралы да айтқан кісілер болды. Солардың ішінде бір әйел болды, онымен біз бетпе-бет кездестік, сол жерде айтты. Қателеспесем, қараша айында еді, көзілдірік таққан, шарф оранған әйел болды”, – дейді Айтбек Амангелді.

Марқұмның ағасының айтуынша, осы кездесуден кейін ол әйелді таппай қалған. Әйелдің өзін таныстырған кездегі есімінің де жалған болуы мүмкін екенін айтады.

“Мен алғашында бұл ақпаратқа сыни көзбен қарадым. Бірақ ол өте көп ақпарат бөлісті және оның берген ақпараттары ресми деректермен сәйкес келіп отырды. Барлығын нақты деректермен аты-жөндерін, туған жылдарын берді. Сондай-ақ ол соз кезде қылмысты өз мойнына алған екінші адамның аты-жөнін берді. Ресми деректерге сүйенсек, сол адам 3 ай уақытша тергеу изоляторында отырған. Сосын тараптардың татуласуымен іс жабылып кеткен”, – дейді марқұмның ағасы.

Айтбек кездескен әйелдің мәліметінше, аталмыш жол апатында рөлде Бишімбаев отырған және мас күйінде болған. Алайда жанындағы екінші адам кінәні өз мойнына алған.

"Баланы қалай өлтірдің": Нүкенованың анасының Бишімбаевқа айтқан сөзін ішкі істер министрлігі тексереді

“Осы оқиғадан кейін қылмысты мойнына алған адамның әкесінің кәсібі үлкейе түскен, ал өзі тергеу изоляторынан шыққан соң әскерге барып келген. Әскерден кейін ол да Байтерек компаниясы секілді жерлерде лауазымды қызметтер атқарған. Ал Бишімбаевтың өзі осы оқиғадан кейін Америкаға оқуға кетіп қалған”, – дейді Айтбек Амангелді.

Айтбек Амангелді осы ақпараттарды бөліскен әйелдің бұрын Бишімбаевтың отбасында жұмыс істеген болуы мүмкін екенін айтады.

Еске салсақ, бұған дейін де Салтанат Нүкенованың ағасы анасының “Бишімбаев баланы басып өлтірді” деген сөзіне қатысты пікір білдірген еді.

Талқылау