AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
Соңғы жаңалықтар
Соңғы жаңалықтар

Kcell 2022 жылы 250+ жобасы бойынша тағы 360 ауылды қосуды жоспарлап отыр

Kcell 2022 жылы 250+ мемлекеттік бағдарламасы бойынша тағы да 360 ауылды байланыс пен интернетпен қамтамасыз етуді жоспарлап отыр. Бұл туралы "Кселл" АҚ басқарма төрағасы Асхат Узбеков цифрлық даму және аэроғарыш өнеркәсібі министрлігінде өткен Ашық есік күнінде мәлімдеді, деп хабарлайды Stan.kz ақпарат агенттігі. 

Kcell операторы 250 + бағдарламасын іске асыра отырып, қалалық және ауылдық халық арасындағы цифрлық теңсіздікті жою бойынша белсенді жұмысты жалғастыруда. 

"Kcell 250 + бағдарламасын жүзеге асыруға белсенді атсалысуда. Биыл біз 360 ауылды байланыспен және интернетке қолжетімділікпен қамтамасыз етуді жоспарлап отырмыз. Біздің мамандар жаңа базалық станцияларды орнатумен қатар, жабдықтарды жаңартумен және жаңа технологияларды қолданумен де айналысады. Бұл ауыл тұрғындарына цифрлық қызмет алуға, оқуға және онлайн жұмыс істеуге, бизнес жүргізуге, коммуналдық қызмет ақысын төлеуге және аудан орталықтарына бармай-ақ зейнетақы алуға мүмкіндік беретін маңызды әлеуметтік жоба", - деп атап өтті "Кселл" АҚ басқарма төрағасы Асхат Узбеков. 

Мысалы, 2022 жылы лицензиялық жағдайлардың тізбесіне сәйкес компания 37 ауылдық елді мекеннің интернетке мобильді кең жолақты қолжетімділігін қамтамасыз етуі тиіс. Жыл басынан бері МКЖҚ 2 кентте іске қосылды.  

Бұдан басқа, компания ауыл тұрғындарын 250 + бойынша лицензиялық жағдайлардан тыс байланыспен және интернетпен қамтамасыз етуді жалғастыруда.

Осылайша, 2022 жылдың басынан бері 46 кентте желі жаңартылды - енді ауыл тұрғындары LTE технологиясын пайдаланады. Компания қолданыстағы жабындыны жақсартып, Қазақстан бойынша 60 ауылда жаңа базалық станцияларды орнатуды жоспарлап отыр. Бүгінгі таңда 23 ауылда жұмыстар аяқталып, тағы 37 ауылда дайындық жұмыстары жүргізілуде. 

Айта кету керек, оператор 2022 жылдың соңына дейін еліміз бойынша 250 кентте АЕМ ТОБЖ (ауылдық елді мекендердегі талшықты-оптикалық желілер) жобасының аясында LTE технологиясы бойынша желіні жаңартуды жоспарлаған. 11 кентте LTE іске қосылған.

Компания лицензиялық шарттарға сәйкес 10 кентте, және міндеттемелерден тыс үш  АЕМде жерсеріктік трансмиссияны талшықты-оптикалық желіге ауыстыруды жоспарлап отыр. Бұл кенттерде АМҚ (20-дан 80 м-ге дейін) және ұзын радиорелелік желілердің құрылысы жүргізілуде.

Сондай-ақ, Узбеков радиоинтерфейс арқылы бұқаралық қызметтерге сымсыз қол жеткізу (fixed wireless access) жобасының барысы туралы айтып берді. FWA кабельді созу тиімсіз және қиын аудандарда оптикалық талшыққа балама болады. 
Бұл жоба Қазақтелеком мен Кселл арасындағы ынтымақтастықта жүзеге асырылуда, онда Кселл Қазақтелеком үшін инфрақұрылымдық алаң болып табылады. 

Жобаның бірінші, пилоттық кезеңі Шымкент қаласында Kcell алаңдарында 14 жабдықтар жиынтығын орнату болды. Жобаның екінші кезеңі Шымкентте тағы 26 базалық станцияны қосымша іске қосу, сондай-ақ Нұр-Сұлтан қаласында 55 жиынтықты орнату және іске қосу болып табылады. 

Талқылау
Пікір
Қазір оқып жатыр
Қазір оқып жатыр