ҚазҰПУ, Сәтбаев және AlmaU: Алматыдан Қонаевқа қай университеттер көшуге дайын

Фото: satbayev.university/kk

Алматыдағы университеттердің Қонаевтағы академқалашыққа көшуі бірнеше жылға кейінге шегерілді. Бұл туралы Stan.kz ақпарат агенттігі хабарлайды.

Бұл туралы Қазақстанның ғылым және жоғары білім министрі Саясат Нұрбек Үкіметтегі баспасөз мәслихатында мәлімдеді.

Оның айтуынша, базалық инфрақұрылымды салу қажеттілігіне осындай шешім шыққан. Жоба ұзақ мерзімді санатқа жатады және ауқымды инвестицияны қажет етеді. 

"Қала жаңа – кәріз тазарту құрылыстарын, көлік инфрақұрылымын, жылу электр орталығын, сорғы станцияларын, су құбырларын салу керек. Қонаевты дамытудың бас жоспары бекітілді, егжей-тегжейлі жоспарлау жобасы дайындалды. Академқалашыққа шамамен 20 гектар бөлінді, бірақ біз инфрақұрылымның дайын болуын күтіп отырмыз", — деді Нұрбек.

Министрдің айтуынша, Алматыға жақын Алатау аумағында ғылым қалашығын салу жобасы қатар әзірленіп жатыр. Бірнеше университет ол жаққа көшуге дайын екенін білдірген.

Сәтбаев университеті өз студенттеріне жатақхана жетпегеніне қарамастан, оны жекеменшік ЖОО-ға жалға берген

Қонаевқа көшуге алдын ала қызығушылық танытқан жоғары оқу орындарының қатарында Сәтбаев атындағы ҚазҰТЗУ, Абай атындағы ҚазҰПУ, Қазақ ұлттық қыздар педагогикалық университеті, сондай-ақ жекеменшік жоғары оқу орындары "Қайнар", AlmaU, "Тұран" және ҚБТУ бар. Алайда олардың барлығы да инфрақұрылымның тартылуын күтуде, себебі оны өз күшімен сала алмайды.

Министрліктің есептеуінше, инженерлік желілерді дайындау шамамен екі жылға созылады, ал оқу корпустары мен кампустарды салуға тағы екі-үш жыл қажет болады.

"Мүмкін, бұрынырақ та бітер, бірақ бәрі инфрақұрылымның қаншалықты жылдам дайын болуына байланысты", — деп атап өтті ведомство басшысы.

Министр сондай-ақ студенттерді жатақханамен қамтамасыз етуде негізгі басымдық Алматыда екенін айтты, себебі мұнда әлі де 10 мың орын жетіспейді. Оның айтуынша, қоныстандыру кезінде бірінші курс студенттеріне басымдық беріледі.