"Қазақтелеком" 293 миллиард теңге дивиденд төлейді

Фото: CC BY-SA 4.0 / Yaken hgar

"Қазақтелеком" дивидендтерге 293,45 миллиард теңге бөлуі мүмкін. 2024 жылға арналған төлемдер және бөлінбеген пайданың бір бөлігі төленуі тиіс. Шешім акционерлердің жылдық жалпы жиналысындамақұлданса, дивиденд мөлшері бір акцияға 26,6 мың теңге болады. Бұл туралы Stan.kz ақпарат агенттігі хабарлайды. 

"Қазақтелекомның" 2024 жылғы шоғырландырылған таза пайдасы – 74,19 млрд теңге. Барлық сома дивидендтерге бағытталмақ. Дивидендтер – бір акцияға 6,7 мың теңге. Алайда компанияның шоғырландырылған қаржылық есебіне сәйкес, оның таза табысы 77,2 млрд теңгеге жетті.

Сонымен қатар қауымдастық дивидендтер "Қазақтелекомның" өткен жылдардағы бөлінбеген таза табысынан да төленетінін атап өтті. Дивидендтер бір акцияға 19,9 мың теңге.

• "Қазақтелекомның" бұрынғы басшысының әйелі Алматыдағы IT университетінің акционері атанды

• Sulpak, Magnum, "Қазақтелеком" ең нашар жұмыс берушілер тізімінде: Қазақстанда IT-мамандарға арналған үздік компаниялар анықталды

Жалпы жиналыс 15 мамырда өтеді, ал дивиденд алатын акционерлердің тізілімі 1 маусымда шығады. Жаңалық аясында "Қазақтелеком" акцияларының құны рекордтық деңгейге жетіп, 2-6 мамыр аралығында 25,4% немесе 12,8 мың теңгеге өсіп, 12,3 мың теңгеге жетті.

Бағалы қағаздар бағасының айтарлықтай өсуі аясында акциялардың ағымдағы құнына ықтимал дивидендтер бойынша кіріс – 42%.

KASE 1 сәуірдегі деректеріне сәйкес, "Қазақтелекомның" негізгі акционері –"Самұрық-Қазына" АҚ (80,85%). Ол жалпы жиналыста мақұлданса, 237,25 млрд теңге дивиденд алады. Тағы 26,97 миллиард теңге акцияның 9,19%-на иелік ететін Telecom Systems LTD компаниясына тиесілі. "Қазақтелекомның" қалған 9,96% бағалы қағаздары миноритарлық акционерлерге тиесілі. Олардың үлесі дивиденд түрінде 29,23 млрд теңге.

Дивиденд туралы ақпарат тараған соң, компанияның акциясы 1 күнде 56 мыңнан 61 211 теңгеге дейін өсті.

Еске салсақ, “Қазақтелеком” компаниясына қатысты бірден үш тергеу жүргізіліп жатқаны айтылды.