Қазақстанның бірқатар өңірінде дауылды ескерту жарияланды

6 қазанда Қазақстанның сегіз облысында дауылды ескерту жарияланды, деп хабарлайды Stan.kz ақпарат агенттігі.

6 қазанда Солтүстік Қазақстан облысының кей жерлерінде түнде және таңертең тұман күтіледі. Батыстан жел соғады, күндіз кей жерлерде күші 15-20 м/с күтіледі. Петропавл қаласында күндіз батыстан жел соғады, екпіні 15-20 м/с жетеді.

Алматы облысында солтүстік-шығыстан, таңертең және күндіз кей жерлерде 15-20 м/с жел тұрады. Талдықорғанда солтүстік-шығыстан жел соғады, күндіз екпіні 15-20 м/с дейін жетеді.

Ақмола облысының кей жерлерінде тұман түседі. Батыстан жел соғады, күші күндіз кей жерлерде 15-20 м/с күшейеді.

6 қазанда түнде Қызылорда облысының солтүстігінде 3 градус үсік күтіледі. Солтүстік-шығыстан жел соғады, күші кей жерлерде 15-20 м/с сақталады. Күндіз төтенше өрт қаупі сақталады.

Түркістан облысының кей жерлерінде шаңды дауыл, солтүстік-батыстан солтүстік-шығыс бағытына ауысатын желдің күші 15-20 м/с, күндіз екпіні 25 м/с күтіледі. 6 қазанда түнде облыстың солтүстігінде 2 градус үсік күтіледі.

Шымкент қаласында 6 қазанда солтүстік-батыстан солтүстік-шығыс бағытына ауысатын жел соғады, екпіні -15-20 м/с. Түркістан қаласында солтүстік-батыстан солтүстік-шығыс бағытына ауысатын жел соғады, екпіні 15-20 м/с дейін жетеді.

Қарағанды облысының кей жерлерінде тұман, көктайғақ, бұрқасын күтіледі. Солтүстік-батыстан жел соғады, кей жерлерде секундына 15-20 метр жылдамдықпен соғады.

Түнде және таңертең Қостанай облысының кей жерлерінде тұман түседі. Солтүстік-батыстан жел соғады, күші күндіз кей жерлерде 15-20 м/с жетеді.