Қазақстаннан кеткен экс-министр Ерлан Сағадиевтің Швейцарияда жүрген суреті тарады (фото)
Бұрынғы білім және ғылым министрі Ерлан Сағадиевтің Швейцарияда жүрген суреттері тарады. Медицина ғалымы Алмаз Шарман экс-шенеунікпен Женева көлінің жағасында түскен суреттерімен бөлісті. Бұл туралы Stan.kz ақпарат агенттігі хабарлайды.
Фото: Almaz Sharman Instagram парақшасынан алынды
Алмаз Шарман экс-министрдің балаларының қайда екенін және қандай қызмет атқаратынын жеткізді.
"Осы жылдар ішінде біз әртүрлі континенттерде талай рет кездесіп, Қазақстанның болашағы, әлемдік даму туралы әңгімелесіп, пікір таластырдық. Екеуміз де көп жағынан идеалист екенімізді түсіндім. Ерлан мен Әйгерімнің тамаша балалар тәрбиелеп жатқанына өте қуаныштымын. Олардың үлкен ұлы Мағжан Американың Юта штатының жастар хоккей командасында ойнайды. Қызы Зере Бостондағы университетке түсті. Кішкентайлары Сұлу мен Ілияс әлі мектепте оқиды. Ерланның үлкен қызы Сара Атлантада биотехнолог болып жұмыс істейді", – деп жазды ғалым.
Айта кетейік, Ерлан Сағадиев Білім және ғылым министрлігін 2016 жылдың ақпанынан 2019 жылдың ақпанына дейін басқарды. Осыдан кейін оның Гарвардқа түсіп, АҚШ-қа көшпек болғаны белгілі болды. Алайда Қазақстаннан шығып бара жатып, Қазақстан Республикасы Білім және ғылым министрлігінің лауазымды тұлғаларына қатысты қылмыстық кодекстің 361-бабы "Қызметтік өкілеттіктерді теріс пайдалану" бойынша қозғалған қылмыстық іс бойынша қиындықтарға тап болған. Сағадиев куәгер ретінде іске қосылды. Экс-шенеуніктің шетелге кеткеніне қарағанда, мәселе шешілді.
Қазақстандық БАҚ үлкен ұлы Мағжан Сағадиев туралы бірнеше рет жазған. Мысалы, Sports.kz экс-министрдің ұлы Юта Аутлайнерс командасының шабуылшысы екенін және NCDC студенттік лигасы – Студенттерді дамытудың ұлттық конференциясында аптаның үздік ойыншысы атанғанын анықтады. 18 жастағы қазақстандық шабуылшы екі кездесу өткізіп, 4 (1+3) ұпай жинады. Айта кетейік, хоккейші Қазақстанда "Астана" мен "Барыс" командаларында жастар деңгейінде өнер көрсеткен.
Еске салайық, Ерлан Сағадиев 2016 жылдың 10 ақпанынан 2019 жылдың 25 ақпанына дейін – Қазақстан Білім және ғылым министрі қызметін атқарды.