Қазақстандықтар жылқы етін тұтыну бойынша 13 жылдық рекордты жаңартты
Қазақстандықтар 2023 жылы жылқы етін тұтыну бойынша 13 жылдық рекордты жаңартты. Бұл туралы Stan.kz ақпарат агенттігі хабарлайды.
Фото: freepik.com
Data hub телеграм арнасының мәліметінше, 2023 жылдың соңғы үш айында Қазақстанда жылқы етін жан басына шаққандағы орташа тұтыну көлемі 1,97 кг құрады, бұл 2011 жылдың басынан бері қолда бар статистиканың барлық кезеңіндегі ең жоғары көрсеткіш.
Сарапшылардың айтуынша, жылқы етін тұтыну көлемінің артуы маусымдық өзгерістерге байланысты.
Фото: t.me/DataHub
Өткен тоқсанда статистикада көрсетілген еттің барлық түрлерінің ішінде жылқы еті сиыр етінен кейін екінші орында болды. Қазақстандықтар орташа есеппен 6,61 келі сиыр етін тұтынған, бұл бір жыл бұрынғы көрсеткіштен 7 пайызға артық және 2015 жылдың төртінші тоқсанындағы рекордтық көрсеткіш 6,68 келі болған.
Еске салсақ, бұған дейін Қазақстанда жылқы етінің өндірісі азайып, бағасы өскені туралы жазған едік.