Қазақстандықтар тәулігіне нормадан үш есе артық тұз тұтынады – Зерттеу
Қазақстан тағамтану академиясы Дүниежүзілік денсаулық сақтау ұйымының елдік офисімен бірлесіп зерттеу жүргізді. Зерттеу нәтижесіне сәйкес, қазақстандықтар тәулігіне 17 грамм тұз тұтынатыны белгілі болды. Бұл туралы Stan.kz ақпарат агенттігі хабарлайды.
Фото: pixabay.com
Қазақстанда ерлердің 100%-ы және әйелдердің 97%-ы күніне 17 грамм тұз тұтынады. Бұл Дүниежүзілік денсаулық сақтау ұйымы ұсынған күніне 5 грамм нормадан 3,4 есе артық болып шықты.
“Тұзды шамадан артық тұтыну қан қысымының жоғарылауына және жүрек-қан тамыры аурулары мен инсульт қаупінің артуына әкеледі”, – дейді Қоғамдық денсаулық сақтау ұлттық орталығы филиалының тамақтану қауіпсіздігі мониторингі секторының санитарлық дәрігері Қарлығаш Әбдіжаппарова.
Мамандың айтуынша, аталған сырқат салдарынан жыл сайын әлемде 3 миллион адам қайтыс болады.
Бұған дейін зерттеушілер Қазақстанда қай аймақтың тұрғындары етті көп тұтынатынын айтқан еді.
Талқылау