Қазақстандық семсершілер әлем кубогінде қола жүлдегер атанды
Қазақстандық семсершілер Канадада өткен Әлем кубогі кезеңінде қола жүлдеге қол жеткізді. Бұл туралы Stan.kz ақпарат агенттігі хабарлайды.
Фото: ҰОК
Cемсерлесуден Қазақстан ерлер құрамасы Канаданың Ванкувер қаласында өткен әлем кубогі кезеңінде үшінші орын алды. Руслан Құрбанов, Эльмир Әлімжанов, Вадим Шарлаимов, Ерлік Сертай, Кирилл Павлов бастаған отандастарымыз Гонконг пен Италияны жеңіп, жартылай финалда Жапонияға жол берді. Қола медаль үшін тартыста Қазақстан құрамасы Франциядан басым түссе, алтын жүлде үшін айқаста Венгрия Жапонияны жеңіп кетті.
Айта кетейік, бұған дейінгі Әлем кубогі кезеңінде қазақстандықтар командалық жарыста жетінші орынды иеленген еді.
Талқылау