"Бұл жерде бірнеше тұрмыстық техниканы бір құрылғыға қосып тастап кеткендіктің кесірін көріп отырмыз. Адамдар көп жағдайда белгіленген мөлшерден артық ватты қосып, құрылғыны күйдіріп алады. Содан өрт шығады, оны үнемі бақылап отыру керек", - дейді өрт бақылау басқармасының басшысы Александр Петрович.

Жамбыл облысында өрттен бір отбасының бес баласы қайтыс болды

23 жастағы павлодарлық өрт сөндіруші тілсіз жаудың құрбаны болды

Қазір кез келген үйде жылыту пешінің бәрі электр жүйесімен жұмыс істейді. Сәйкесінше үнемі тоққа қосулы тұрады. Ал оған арналған арнайы тоқ реттегіш құрылғы болу керек.

"Тұрғындардың өзінің өрт қауіпсіздігін сақтамау себебінен болады. Сондай ақ электр сымдарының ескіруі, электр құрал-жабдықтарының бір розеткада бірнешеуін бір мезгілде қолдану. Сапасы төмен электр құрылғыларын пайдалану", - деді "Алатау Жарық" компаниясының Техникалық қауіпсіздік бөлімінің бастығы Ғани Манасұлы.

Қарапайым тұрмыста тоңазытқыш пен кір жуғыш машинасына да арнайы қуатты ұзартқыш қою керек, өйткені бұл құралдар сапалы сымдарға қосылуы тиіс. Ал мамандар ең қауіпті тұйықталу ол үздіксіз қосулы тұрған техникалардан деп отыр.

"Біріншіден тоқты суырған кезде удлинительдің вилкасынан ұстап тарта салмау керек. Өйткені бұны тартқан кезде вилканың артқы сымының контактысы кетіп қалады. Ол контакт кеткен соң сым қызып тұйықталу пайда болады", - деді "Алатау Жарық" компаниясының бас маманы Данияр Жұманов.

Розеткалардағы тоқ оқшаулағыш, артық кем тоқты реттеп, тек керек мөлшерді өткізіп отырады. Сол себепті электр жүйесін жаңарту барысында, барынша қауіпсізін таңдаңыз. Қазір техника дамыған уақытта розеткалардың да түр-түрі барын білеміз. Сондықтан оны таңдауда маман иесіне жүгінгеніңіз абзал.

Еске салайық, бұған дейін Түркістан облысында әйел мен оның төрт баласының көз жұмғаны айтылған еді.

Талқылау