Қазақстандық каратэшілер әлемдік рейтингте үздіктер қатарында
Каратэден Қазақстан құрамасының спортшылары әлемдік рейтингте үздіктердің қатарынан көрінді. Бұл туралы Stan.kz ақпарат агенттігі хабарлайды.
Фото: ҰОК
Әлемдік каратэ федерациясының (WKF) әр салмақ дәрежесі бойынша жаңартылған рейтингінде қазақстандық каратэшілер үздіктер қатарынан табылды. Ерлер арасында 75 келі салмақ дәрежесінде қазақстандық Нұрқанат Әжіқанов рейтингтің екінші сатысына жайғасқан. Ал 67 келіге дейінгі салмақ дәрежесі бойынша әлемдік рейтингте Әмірәлі Дидар төртінші орынға жайғасқан. Ол 2018 жылғы Азия ойындарының күміс жүлдегері және 2023 жылы Ханчжоуда өткен Азия ойындарының қола жүлдегері. Ал Әйелдер арасында +68 келі салмақ дәрежесінде қазақстандық София Берульцева көш бастап тұр. Ол 2020 жылғы Токио Олимпиадасының қола жүлдегері атанған, сондай-ақ 2022 және 2023 жылдардағы Азия чемпионатында топ жарған еді.
Айта кетейік, бұған дейін Қазақстан құрамасның Қытайдың Ханчжоу қаласында каратэден ересектер арасындағы Азия чемпионатында екі алтын медаль жеңіп алғанын жазған едік.
