Қазақстандық файтер бахрейндік қарсыласына есе жіберді
Алматыда аралас жекпе-жектен Octagon 35 және Brave CF 62 турнирінде кештің басты жекпе-жегі өтті. Мұнда қазақстандық боксшы Бауыржан Қуанышбаев (13-4) мен бахрейндік Магомед Магомедов (9-0) жұдырықтасты, деп хабарлайды Stan.kz ақпарат агенттігі Sports.kz порталына сілтеме жасап.
Бұл жекпе-жекте спортшылар Octagon бойынша жартылай орта салмақтағы белбеу үшін сайысқа түсті. Чемпиондық белбеу Қуанышбаевтың қолында еді. Чемпиондық белбеу үшін жекпе-жек бес раундқа созылуы керек деп есептелген. Бірауыздан қабылданған шешім бойынша кездесу Магомедовтың жеңісімен аяқталды.
Осылайша Магомед Магомедов спорт мансабындағы оныншы жеңісіне қол жеткізіп, Octagon-ның жартылай орта салмақтағы жаңа чемпионы атанды, ал Бауыржан Қуанышбаев кәсіпқой ММА-да бесінші рет жеңіліске ұшырады.
Талқылау