Қазақстандық ескекшілер Азия чемпионатында күміс жүлде жеңіп алды
Фото: olympic.kz
Екатерина Таранцева Сиасиде өтіп жатқан Азия чемпионатында байдарка-бірлікте күміс медаль иеленді. Бұл туралы Stan.kz ақпарат агенттігі Olympic.kz порталына сілтеме жасап хабарлайды.
Қытайдың Сиаси қаласында ескекпен жүзуден (слалом) Азия чемпионаты басталып, алғашқы күні-ақ Қазақстан құрамасы қоржынына жүлде бұйырды.
Әйелдер арасындағы байдарка-бірлік сайысында Екатерина Таранцева күміс медаль жеңіп алды. Қазақстандық спортшы 104,82 секундтық нәтиже көрсетіп, құрлық біріншілігінің вице-чемпионы атанды.
Айта кетейік, бұл жүлде — ұлттық құрама үшін биылғы жарыстағы алғашқы медаль.
Биылғы Азия чемпионатына Қазақстан құрамасынан тоғыз спортшы қатысуда, олар жеке және командалық жарыстарда бақ сынайды.
Жарыстар Сиаси қаласындағы Цюшуй өзенінде өтіп жатыр және 17 тамызда мәресіне жетеді.
Талқылау
"Металлургияға 50 балмен түсуге болады": Биыл қазақстандық талапкерлер қанша балмен грант иесі атанды
2025-2026 оқу жылына арналған мемлекеттік білім беру грантын 77 мыңнан астам талапкер жеңіп алған еді
Джей Ло концертінде жұмыс істеген кәмелетке толмаған волонтерлер ұйымдастырушыларға шағымданды
Кей ата-аналар мұндай жағдайдың бұрын да болғанын айтты