Қазақстандық балуан Азия чемпионатында еркін күрестен алтын медаль жеңіп алды
Фото: uww.org
Бішкекте еркін күрестен жастар арасындағы Азия біріншілігі аяқталды. Қазақстанның намысын қорғаған 18 жастағы Едіге Қасымбек алтын жүлдеге ие болды. Бұл туралы Stan.kz ақпарат агенттігі хабарлайды.
125 келіге дейінгі салмақ дәрежесіндегі спортшы Едіге Қасымбек ел қоржынына алтын жүлде салды. Финалда қазақстандық балуан моңғолиялық спортшы Нагантулга Дармаабазармен кездесіп, 6:1 есебімен айқын басымдықпен жеңіске жетті. Осылайша, Едіге U20 санатында Азия чемпионы атанды.
Отандасымыздың бұл жеңісі еркін күрестен 20 жасқа дейінгі Қазақстан жастар құрамасы үшін құрлықтық турнирдегі жалғыз алтын медаль болды.
Еске салайық, бұған дейін Едіге Қасымбек еркін күрестен Азия чемпионатының алтын жүлдесін жеңіп алған еді.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан