Қазақстандық жігіт азық-түлік бағасы қаншалықты өскенін бір жыл бұрынғы түбіртекпен салыстырып көрді (видео)
Қазақстандық бір жыл ішінде азық-түлік бағасының қаншалықты өскенін түбіртек арқылы салыстырып көрді. Былтырдан бері тұрмыстық өнім бағасы 21% өскен. Оның ішінде пияз, ұн және тауық еті күрт қымбаттаған. Бұл туралы Stan.kz ақпарат агенттігі хабарлайды.
Фото: Видеодан скрин
Әлеуметтік желі қолданушысы қазақстандық супермаркеттерде бір жылда азық-түлік бағасының қаншалықты қымбаттағанын тексерді. Тексеріс үшін ол 2024 жылдан бері сақтаған түбіртектерін қарап шыққан.
Оның айтуынша, ең елеулі өзгерістер негізгі азық-түлік өнімдерінде болған.
Сонымен:
Пияздың бағасы екі есе жуық қымбаттап, келісі 74 теңгеден 144 теңгеге дейін өскен. Цесна ұны да айтарлықтай қымбаттап, жеңілдіксіз 803 теңгеден 1067 теңгеге дейін жоғарылаған. Ал Makfa қарақұмық бағасы 765 теңгеден 799 теңгеге, күріш 1155 теңгеден 1199 теңгеге қымбаттаған. Ет бағасы да өзгерген. Тауық еті 2589 теңгеден 2693 теңгеге, күріш 1155 теңгеден 1199 теңгеге жоғарылаған.
Кейбір өнімдердің бағасы салыстырмалы түрде төмендеген:
- Makfa макарон өнімдері – 447 теңгеден 445 теңгеге дейін;
- Қияр – 995 теңгеден 989 теңгеге дейін төмендеген.
Нәтижесінде, баға 21% өсіп, чектің жалпы сомасы өзгерді. Бір жыл бұрын бұл тауарлардың себеті 33 249 теңге болса, қазір 40 272 теңге тұрады.
Айтпақшы, бұл эксперимент Қазақстандағы ресми инфляция деректерімен сәйкес келеді.
Статистикалық мәліметтерге сәйкес, инфляция 2023 жылы 9,8%-дан 2024 жылы 8,6%-ға дейін баяулады. Дегенмен кейбір өнімдер мен қызметтердің бағасы айтарлықтай өсті:
- Суық суға тарифтер 43,1%;
- Су – 25,7%;
- Жылыту – 22,3%;
- Ыстық су – 19,2%;
- Электр энергиясы – 18,4% өсті.
Айта кетейік, бұған дейін Қазақстанда азық-түлікті негізсіз қымбаттатқандарға енді бірден айыппұл салынатыны туралы жазған едік.