Қазақстандағы сайлау туралы заңға түзетулер енгізіледі
“Қазақстан Республикасындағы сайлау туралы” ҚР Конституциялық заңына өзгерістер мен толықтырулар енгізу туралы” конституциялық заң жобасы мәжілістің қарауына енгізілді.
Бұл туралы мәжілістің жалпы отырысында аңнама және сот-құқықтық реформа комитетінің төрағасы Нұрлан Әбдіров айтты.
«Заң жобасы ҚР Үкіметінің заң жобалау жұмыстарының 2018 жылға арналған жоспарына сәйкес әзірленген. Құжат сайлау заңнамасын жаңа институттарды енгізу, құқықтық олқылықтар мен қайшылықтарды жою арқылы жетілдіруге бағытталған. Заң жобасын әзірлеудің мақсаты – іргелі сайлау қағидаттарын сақтауды одан әрі қамтамасыз ету. Конституциялық заңға ұсынылып отырған өзгерістер мен толықтырулар барынша ашық әрі демократиялық сайлау процесін қамтамасыз етуге ықпал етеді. Комитет заң жобасын жұмысқа алуға дайын», – деді Заңнама және сот-құқықтық реформа комитетінің төрағасы Нұрлан Әбдіров Мәжілістің жалпы отырысында.
Сонымен қатар, аталған Мәжіліске «Қазақстан Республикасының кейбір заңнамалық актілеріне сайлау мәселелері бойынша өзгерістер мен толықтырулар енгізу туралы» заң жобасы да енгізілді. Бұл құжат «Қазақстан Республикасындағы сайлау туралы» ҚР Конституциялық заңына өзгерістер мен толықтырулар енгізу турал» ҚР Конституциялық заңының жобасына ілеспе болып табылады. Заң жобасы екі кодекс және үш заңға түзетулер енгізуді көздейді.
Тағы оқыңыз:
Трамп не туралы сұрады: Назарбаев АҚШ президентімен не жөнінде сөйлескенін айтты
Назарбаев: Біз қазақ халқының арқасында аман қалып, аяққа тұрып, дамып жатырмыз (фото)
Желіде Павлодар облысы әкімінің ерекше ұлттық киімі қызу талқыға түсті