Қазақстанда заңды некелеспей тек діни тұрғыда некеге тұруға тыйым салынбақ
Дін істері министрі Нұрлан Ермекбаевтың айтуынша, заңды некелеспей діни тұрғыда некесін қиятындар жауапқа тартылады.
Министр заңға осындай өзгеріс енгізу қазан айында мәжілісте қаралып, қараша, желтоқсан айында қабылдануы мүмкін екенін айтты.
«Қазір заң жүзінде емес, діни тұрғыда неке қиып бірге тұратындар көп. Осыған қарсы тұру үшін заңға өзгеріс енгізіледі», – деді Ермекбаев.
Заңда одан бөлек ел азаматтарының шетелді діни білім алу мәселесі, діни радикализм түсінігі, кәмілетке толмағадардың дін ісіне араласуы, деструктивті идеология мен діни ағымның таралуы мәселесі қаралады.
Сонымен қатар қоғамдық орындарда бет-жүзді жауып тастайтын киім киіп жүруге тыйым салынбақ.
«Бұл жерде идеологиялық, деструктивті діни ағым мәселесі тұр. Бұл фашистік, ұлттық, нәсілдік ұйымның артрибуты болуы мүмкін», – дейді министр.
Тағы да оқыңыз:
Шымкентте полицей көлігімен ер адамды қағып өлтірді
70 жастағы ер адамға тоқал болған 35 жастағы келіншек оған шын ғашық екенін айтты
Қызылордада полицейлер “телефон ұрладың” деп оқушыны алып кетіп, іздеп барған әпкесін қамап тастаған