Қазақстанда пойыз 1 сағаттан артық кешіксе билеттің бағасы толықтай қайтарылады
Енді елімізде пойыз бір сағаттан артық кешіксе және билеттегі орын бос болмаса, билеттің құны комиссиясыз түгелдей қайтарылады. Бұл туралы Stan.kz ақпарат агентігі 31-арнаның Информбюро жаңалықтар қызметіне сілтеме жасап хабарлайды.
Фото: ҚТЖ
Көлік министрлігінің тасымалдау қағидаларына өзгерістер енгізілді. Сонымен қатар темір жол билеттері пойыз жүргеннен бұрын 10 минутқа дейін ғана сатылады. Бұрын бұл талап бір тәулік болатын.
Балалармен сапарлайтын ата-аналарға да құлаққағыс: бұдан былай 7 жасқа дейінгі балаларға билет алу міндетті емес. Ал орын қажет болса билетті жеңілдікпен алуға болады.
7-15 жастағы балаларға 50% жеңілдік қарастырылған. Сондай-ақ бұдан былай 15 жасқа толмаған бала сенімхатсыз пойызға отырғызылмайды. Егер заңды өкілі бірге жүрсе сенімхат талап етілмейді.
Өзгерістер 22 сәуірден бастап күшіне енеді.
Қазақстандағы ең ірі мәмілелер: "Қазақмыс" пен "Қазцинктің" жаңа қожайындары туралы не белгілі
Саясаттанушылар екі кәсіпкер мен олар жасаған мәмілеге қатысты пікір білдірді
Қазақстандық әйел декретке шыққандағы қателігі үшін мемлекетке ақшасының бір бөлігін қайтарған
Мадина: "Ол кезде екі түрлі заң жұмыс істеді, бәрін талапқа сай жасадым"