Қазақстанда полицейлер тағы бір тіл білуге міндеттелді
Қазақстанда патрульдік полиция қызметкерлеріне ишарат тілін білу міндеттелді. Бұл туралы Stan.kz ақпарат агенттігі хабарлайды.
Фото: polisia.kz
Бұл туралы ішкі істер министрлігінің ресми өкілі Шыңғыс Әлекешев мәлімдеді.
Оның айтуынша, ишарат тілін білу полиция қызметкерлеріне есту қабілеті бұзылған адамдарға көметесу кезінде және төтенше жағдайларда жедел әрекет етуге көмектеседі.
"Ерекше қажеттіліктері бар адамдар жиі қиын немесе қауіпті жағдайларға тап болады. Сондықтан біздің барлық патрульдік полиция қызметкерлері адамға қолдау және қажетті көмек көрсетуге мүмкіндік беретін қарапайым қимылдарды меңгереді. Бұл жай ғана ресмилік емес, адам өмірін сақтап қалатын маңызды дағды", – деді Әлекешев.
Жамбыл облысында депутат екі полиция қызметкерін соққыға жыққан
Министрлік өкілінің айтуынша, әрбір патрульдік қызметкер: "Уайымдамаңыз, полиция сізбен бірге, біз сізге көмектесеміз" деген сөздерді қимылмен көрсетуді білуі керек.
"Бұл әсіресе аудармашы табуға уақыт жоқ немесе қарапайым, бірақ маңызды хабарды жедел жеткізуді қажет ететін төтенше жағдайларда өте маңызды. Бұл тәсіл полицияға есту қабілеті бұзылған адамдармен тез байланыс орнатуға мүмкіндік береді", – деді министрлік өкілі.
Еске салсақ, бұған дейін полиция қызметкерлерінің өз көрсеткіштерін төмендетпеу үшін ауыр қылмыстарды жасырып келгені туралы жазған едік.