Қазақстанда құс тұмауынан 870 мыңнан астам құс өлді

Ауыл шаруашылығы министрі Сапархан Омаров Қазақстанда 870 мыңнан астам құс құс тұмауынан өлгенін айтты, деп хабарлайды Stan.kz ақпарат аенттігі.

Министр елдегі құс тұмауының жағдайы туралы толығырақ айтып берді. Оның айтуынша, Қазақстан 2005 жылдан бастап бұл аурудан қауіпсіз деп саналады.

"2020 жылдың 22 қыркүйегі мен 19 қазаны аралығында жеті облыста құстардың өлімі тіркелген. Жеке фермаларда 26,5 мың бас, үш құс фабрикасында 847,4 мың бас құс өлген. Бұл есепке аурудың расталған жағдайлары мен құс тұмауы болуы мүмкін деген құстар енгізілген. Осылайша, жоғары патогенді құс тұмауынан 873,9 мың бас өлді, бұл құстардың жалпы санының 1,9 пайызын құрайды", - деді Омаров.

Оның айтуынша, құстардың өлімі басталғаннан бері министрлік пен облыстардың жанынан жедел штаб құрылды, кездесулер күн сайын өткізіліп тұрады.

"Инфекцияның әр бағытына карантин енгізіліп, құстар мен құс өнімдерін әкелуге және әкетуге тыйым салынды, жою және дезинфекциялау кезінде инфекция ошақтарын локализациялау және жою бойынша шаралар қабылдануда. Құстарды мәжбүрлі вакцинациялау үшін ветеринариялық препараттардың республикалық қорынан құс тұмауына қарсы қосымша 4,4 миллион доза вакцина бөлінді", - деп толықтырды министр.

Омаров қазір барлық жеті облыстағы жеке қосалқы шаруашылықтарда өлім тоқтатылды, ал үш құс фабрикасында құстардың өлімі азайып жатыр деді. Науқастарды жою және олардың иелеріне шығындарды өтеу жұмыстары жүргізілуде.

Талқылау
Пікір
Қазір оқып жатыр
Çàãðóçêà...
Қазір оқып жатыр