Қазақстанда коронавирусты қайта жұқтырған науқас анықталды
Қазақстанда коронавирусты қайта жұқтырған науқас БҚО-да тіркелді, деп хабарлайды Stan.kz ақпарат агенттігі.
Бұл туралы Батыс Қазақстан облысының денсаулық сақтау басқармасы басшысының орынбасары Гүлнәр Әбдірахманова мәлім етті.
"Әйел адам індет басталған уақытта, сәуір айында коронавируспен ауырған. Содан кейін жазда, тамызда қайтадан осы сырқатқа шалдыққан", - деді басқарма өкілі.
Еске салайық, бұған дейін денсаулық сақтау министрі Алексей Цой коронавирусты қайта жұқтыру қаупі бар екенін айтып, қазақстандықтарға ескерту жасаған еді.
Талқылау