"Бүгінгі күні бұл іс бойынша Алматы қаласы, Алматы облысы ІІД, Ұлттық қауіпсіздік комитеті шекара қызметінің қызметкерлері мен медицина қызметкерлерінен жауап алынды, алайда күдіктілердің қатарын анықтау мүмкін болмай отыр", - деп жауап берген Бас прокуратура.

Қадағалау органында түсіндіргендей, "бейнежазбалар, келушілер мен жеткізілген адамдарды тіркеу журналдары жоқ, барлық қызметкер бетперде киген, оның ішінде медициналық бетперде де болған".

"Рузахуновтың қатысуымен қажетті тергеу әрекеттерін жүргізу үшін ол тергеу органына бірнеше рет шақырылған. Қазіргі таңда оны қауіпсіздік шараларымен жеткізу үшін келіссөздер жүргізілуде", – деп қосты Бас прокуратурада.

Алматыдағы тәртіпсіздік кезінде қырғыз азаматы қаза тапты

"Сценарий бойынша камера алдында сөйлеуге мәжбүрледі": Тәртіпсіздіктер кезінде ұсталған қырғызстандық музыкант алғаш рет көрген азаптаулары жайлы айтты

Еске салайық, 9 қаңтар күні Қазақстанның мемлекеттік телеарнасы 2 қаңтарда Алматыға билет сатып алғанын және митингілерге қатысқаны үшін Қырғызстаннан 90 мың теңге алуға келгенін айтқан, әбден соққыға жығылған азаматты көрсетті. Алайда бұл азаматты көпшілік бірден танып, оның қырғыз музыканты Викрам Рузахунов екені белгілі болды. Халық арасындағы резонанстан кейін Рузахуновты дереу отанына қайтарған. Ал 10 ақпанда музыкант өзін қазақстандық күш құрылымдары азаптағанын, өлімнен әзер аман қалғанын айтқан.

14 ақпанда Қазақстанда Рузахуновты азаптау фактісі бойынша қылмыстық істің қозғалғаны белгілі болды. 17 ақпанда Қырғызстан прокуратурасы да Рузахуновты азаптау фактісі бойынша іс қозғаған болып шықты.

2 шілдеде Қазақстанда Рузахуновтың денсаулығына келтірілген зиян "ауыр" деп танылғаны туралы жазған болатынбыз.

Өмір айнасы