Қазақстан Qarmet жобасымен әлемдік металлургияның элитасына қосылды

Фото: Primetals

Қазақстанда ең ірі металлургиялық жобалардың бірі – Қарағанды облысындағы Qarmet кәсіпорнының базасында жаңа құю-прокат кешені (ҚПК) салынбақ. Ол елімізді инновациялық металлургия өндірісі саласындағы әлемдік көшбасшылар қатарына қосады. Қазір технологиялық серіктесті таңдаудың соңғы кезеңі жүріп жатыр. Бүгінде жетекші халықаралық инжинирингтік компаниялардың ұсыныстары қарастырылып отыр: Primetals Technologies (Австрия), SMS group (Германия) және Danieli (Италия).

Жоба Qarmet-ттің технологиялық трансформациясында және бүкіл қазақстандық металлургияны дамытуда маңызды кезең болып саналады. Жаңа кешен ені 1850 мм-ге дейін және қалыңдығы 0,8-ден 16 мм-ге дейінгі ыстықтай иленген болат өндіруге мүмкіндік береді. Бұл қазіргі өнім ассортиментін айтарлықтай кеңейтеді. Атап айтқанда автомобиль жасау, мұнай, атом, медициналық және құбыр өнеркәсібі, сонымен қатар тұрмыстық техника өндірісі жоғары технологиялық салалардың премиум сегменттеріне кіруге мүмкіндік береді. Сонау 1968 жылы пайдалануға берілген жұмыс істеп тұрған диірменге қарағанда, жаңа қондырғы ең заманауи халықаралық стандарттарға сай болады.

Фото: QazTehna

Жобаны жүзеге асыру Қазақстан президенті Қасым-Жомарт Тоқаев алға қойған міндеттерге толығымен сай келеді. Мемлекет басшысы елімізде болаттың жоғары технологиялық сорттарын шығаруды жолға қоюдың маңызын, Қазақстан металлургиясының ТМД-дағы көшбасшылардың бірі ретіндегі позициясын қайтару үшін таяу жылдары өндіріс қуатын айтарлықтай арттыру қажет екенін айтқан.

Жобаның құны шамамен – 700 млн доллар. Құрылысты аяқтау 2027 жылға жоспарланған. Кешен Қарағанды металлургиялық зауытының алаңында орналасып, оны жылына 4 млн тонна жоғары сапалы болаттың қосымша өндірістік қуатымен қамтамасыз етпек. Қаржыландыру еуропалық экспорттық несие агенттіктерінің қатысуымен және Қазақстан Республикасының даму институттарының қолдауымен жүзеге асырылады.

Фото: Qarmet

Жаңа құю-прокат кешені Qarmet үшін бірқатар технологиялық және экономикалық артықшылықтар жасайды. Заманауи шешімдер энергия шығынын айтарлықтай азайтуға, суық прокат ассортиментіндегі кейбір өнім сегменттерін ыстық прокатқа ауыстыруға және өндіріс циклін оңтайландыруға мүмкіндік береді. Бұл өнімнің өзіндік құнының төмендеуіне әкеліп соғады, ал нарықта сапа премиясы өседі. Бұл формула Qarmet өнімдерін ішкі нарықта ғана емес, экспорттық бағыттарда, әсіресе Қытай мен Ресей Федерациясының жеткізушілерімен бәсеке жағдайында бәсекеге қабілетті етеді.

Фото: Qarmet

Qarmet Corporation басқарма төрағасы Петр Трушиннің айтуынша, жоба компанияның және жалпы Қазақстан металлургиясының тарихында жаңалық болмақ:

"Біз жаһандық бәсекеге қабілетті жоғары технологиялық өндірістің жаңа буынын жасап жатырмыз. Әлемдік көшбасшылармен ынтымақтастықты қарастыра отырып, ең озық және тиімді шешімге келеміз. Бұл – жай ғана модернизация емес, Қазақстанның индустриялық әлеуетін нығайта түсетін стратегиялық серпіліс", – деді Петр Трушин.

Сонымен қатар ҚПК облыстың өнеркәсіптік дамуына қомақты үлес қосады: жаңа жұмыс орындары ашылады, инфрақұрылым дамиды, машина жасау, мұнай өнеркәсібі және басқа салалармен өндірістік кооперация қалыптасады.

Еліміздің орталығында шикізат базасы мен негізгі көлік бағыттарына жақын жерде жоғары технологиялық кешеннің орналасуы негізгі инфрақұрылымдық кедергілердің бірі – логистиканы жояды. Бұл бірқатар сегменттерде импортты алмастыруға және Орталық Азия, Таяу Шығыс және Шығыс Еуропа елдеріне экспорттық жеткізілімдерді кеңейтуге ықпал етеді.

Фото: Primetals

Жаңа Qarmet құю-прокат кешені кәсіпорынды кешенді жаңғыртудың маңызды элементіне айналады. Еске салайық, компания жылжымалы қуаттардан басқа да стратегиялық бастамаларды жүзеге асырып келеді. Оның ішінде шығынды азайту және қоршаған ортаны қорғау көрсеткіштерін жақсарту мақсатында зауытқа газ құбырын тарту (301 млн доллар), №8 және №9 жаңа кокс батареяларының құрылысы (369 млн доллар, жылына 1,5 млн тонна құрғақ кокс), Қаражалдағы тау-кен өндіру кешені мен байыту зауыттарын іске қосу (511 млн доллар), көмірхимияны дамытып, өнімнің 15-тен астам түрін өндіру бар.