Соңғы жаңалықтар
Соңғы жаңалықтар

Қазақстан Оңтүстік Кореяда сотталған қазақстандықтарды елге ауыстыру туралы келісімді ратификациялады

Қазақстан президенті Қасым-Жомарт Тоқаев «Сотталған адамдарды беру туралы Қазақстан Республикасы мен Корея Республикасы арасындағы шартты ратификациялау туралы» Қазақстан Республикасының Заңына қол қойды, деп хабарлайды Stan.kz ақпарат агенттігі Ақорданың сайтына сілтеме жасап.

Бұрын хабарланғандай, қазір Оңтүстік Кореяда Қазақстанның 35 мыңға жуық азаматы тұрады, 23 адам Корея түрмелерінде жазасын өтеп жатыр.

Қазақстан парламенті қабылдаған келісім сотталғандарға бас бостандығынан айыру, қамауда ұстау түріндегі және кез келген түрдегі бас бостандығынан айыру түріндегі жазаларын өз мемлекетінде өтеуге, сол арқылы олардың қоғамға қауіпсіз қайта қосылуына ықпал етеді.

Келісім ратификацияланғаннан кейін Қазақстанның Кореядағы елшілігінің қызметкерлері сотталған қазақстандықтарға отанына оралу мүмкіндігін түсіндіру мақсатында барады. Сотталған Қазақстан азаматы Қазақстанға оралуға келісім беруі керек.

Сонымен қатар, келісім екі елдің құзыретті органдарының сотталған адамдарды ауыстыру бойынша өзара іс-қимыл мәселелерін, оның ішінде ауыстыру шарттары мен процедураларын, жазаны одан әрі орындау нормаларын және заңды сақтау мәселелерін егжей-тегжейлі реттейді.

Сондай-ақ, сотталғандардың транзиті, оларды әкелу шығындары, ауыстырудың салдары мәселелері егжей-тегжейлі талқыланады.

Талқылау
Пікір
Қазір оқып жатыр
Çàãðóçêà...
Қазір оқып жатыр