“Мен сізге бірден айтайын, бұл жаңалық көңіл-күйіңізді түсіруі мүмкін, бұл мәселе бойынша келіссөздер жүргізілген жоқ. Жоспарымызда бұл болған жоқ. Жақсы ұшақ, жақсы көлік бірақ бағасы қымбат. Сондықтан біз "баға - сапа" мәселесін таңдаған кезде таңдауымыз Су-30 SM ұшағына тоқтады”, – деді Нілдібаев бейсенбіде өткен брифингте.

Еске сала кетейік, бұған дейін француздық La Tribune басылымы Францияның Қазақстанға Rafale әскери ұшақтарын жеткізуді жоспарлап отырғанын жазған еді.

ҚР қарулы күштері әуе қорғанысы күштерінің бас қолбасшысы Дәурен Қосанов соңғы онжылдықтардағы қарулы қақтығыстар тәжірибесі ұшқышсыз ұшу аппараттарының рөлінің артып келе жатқанын жеткізді.

"КСРО кезеңінен қалған техникалардың әбден тозығы жеткен": Қазақстан әскері соғыс қаупіне дайын ба?

Тоқаев армияны жоғары технологиялық қару-жарақпен және әскери техникамен қамтамасыз етуді тапсырды

“Әуе қорғанысы күштерін жарақтандыруға келетін болсақ, Қазақстан Республикасының Үкіметі бекіткен қайта қаруландыру бағдарламасына сәйкес авиациялық флот пен әуе шабуылына қарсы қорғаныс жүйелерін жаңарту жалғасуда. Қазақстандық тарап пен еуропалық Airbus Military авиациялық концерні арасында жасалған келісім-шарт аясында әуе кемелерінің паркі С-295 әскери-көлік ұшағымен толықты. Ми-35 және Ми-171Ш жаңа көліктік және жауынгерлік тікұшақтар алынды. Биылғы жылдың соңына дейін тағы бір ТОР-2М аккумуляторы келеді деп жоспарлануда. Келесі жылдың басында біз алты Су-30СМ ұшағымен жабдықталатын боламыз, бұл әлемдегі ең жақсы көпмақсатты жауынгерлік ұшақ”, – деді спикер.

Мәліметтерге сүйенсек, бүгінде Қазақстанда Wing Loong-1, Anka және Skylark барлау ұшқышсыз шабуылдаушы дрондары бар.

Талқылау