"Қайдан тапсаң оннан тап, оңбаған!". Коллекторлар қазақстандықтарға сес көрсеткен
Қазақстандықтар коллекторларға шағымдануда. Қарыздарды сұрау кезінде олар түрлі айла-тәсілдерге барады. Борышкерлерінің есепшоттары мен мүлкіне тұсау қояды, бопсалайды, қорқытады. Алайда мұндай өкілеттіктерге тек сот орындаушылары ие болады, деп хабарлайды Stan.kz ақпарат агенттігі Астана телеарнасына сілтеме беріп.
"Жұмысыма төрт еңгезердей ер адам келді. Олар мені залға шығарып, онда мекеменің барлық қызметкерлері мен қонақтары көзінше: "Мына алаяққа қараңдар, оңбаған", деді. "Мен оларға мені сотқа берулерңізді күтіп отырмын" дедім. Дәл қазір ақша табуды талап етіп, "қайдан тапсаң оннан тап" деп, мені 20-30 минут бойы қорлады.
Олар мені өз бөлімшелеріне күштеп апарғысы келді. Қарсыластым", - дейді Асель Аубакирова.
Коллекторлардың қазақстандықтардан қарызды өндіріп алуға құқығы жоқ, деп хабарлады Бас прокуратура.
Қадағалау органының тексеруі нәтижесінде коллекторлар сот орындаушыларынан лицензия алып, борышкерлердің мәліметтер базасына қол жеткізгені анықталды.
Несиесі кешірілді: Алматы облысында төрт балалы жалғызбасты әке баспаналы болды
Сол арқылы мүліктерге иелік еткен: мүлікті аукционда сатты және тұлғаларға шетелге шығуға шектеу қойды.
Осы жүйе бойынша кем дегенде 20 адам жұмыс істеді. Тағы 40-ы күдіктеніп отыр. Қылмыскерлердің лицензиялары алынып тасталды және мәліметтер базасына кіруге тосқауыл қойылды.
Прокурорлар коллекторлық компаниялардың қалған бөлігін тексеруге ниетті.
"ЖСО бақылауындағы барлық пайда коллекторлардың шоттарына аударылды. Тек жалақы деп аталады. Қаражатты бақылауды үлестес компания жүзеге асырды. Коллекторлар SSI логиндері мен парольдерін қолдана отырып, базаны пайдаланды. IP-мекенжайлардан, яғни коллекторлық агенттіктердің интернет-нүктелерінен жүйеге 200 мың рет кірген. Интернет-сигналдар Алматыдағы 35 коллекторлық агенттік жұмыс істейтін ғимараттан шыққан, онда 500-ден астам қызметкер бар", - деді Қайрат Раисов, ҚР Бас прокурорының бас көмекшісі.