Қарағанды облысында карантин жеңілдейді

Қарағанды облысында карантин шаралары жеңілдетіледі, деп хабарлайды Stan.kz ақпарат агенттігі.

Қарағанды облысының бас мемлекеттік санитария дәрігерінің "Қарағанды облысының бас мемлекеттік санитария дәрігерінің 2021 жылғы 19 қаңтардағы № 2-Қ қаулысына өзгерістер мен толықтырулар енгізу туралы" жаңа қаулысы жарияланды.

"Облыста аквапарктардың қызметіне рұқсат етіледі. Жексенбі күндері сауда-ойын-сауық орталықтарының, сауда үйлерінің, ауданы 2000 шаршы метрден асатын сауда желілерінің қызметіне рұқсат етіледі, сондай-ақ азық-түлік және азық-түлік емес базарлар да іске қосылады. Сондай-ақ, сауналар мен СПА-орталықтардың жұмысына рұқсат етіледі. Демалыс күндері қалааралық облысішілік тұрақты жолаушылар тасымалдарының қозғалысы қалпына келтіріледі", - делінген қаулыда.

Қаулы 20 ақпан сағат 00-00-ден бастап күшіне енеді.