Камерунның 92 жастағы президенті тағы да сайлауға түспек

Фото: Dzen.ru

Камерунның 92 жастағы президенті Поль Бийя қазанда тағы президент сайлауына қатыспақ. Ол сегізінші мерзімге сайлануға ниетті. Бұл туралы Stan.kz ақпарат агенттігі хабарлайды.

Поль Бийя – Теодоро Обиангтан кейінгі ең ұзақ қызмет еткен Камерунның екінші президенті. Ол 1982 жылдан бері билікте. Ол жиі ауырады және шетелде емделеді. Оның қайтыс болғаны туралы қауесеттер өткен жылы таралып, үкімет бұл қауесетті жоққа шығарды. Әлеуметтік желідегі жазбасында ең жақсысы әлі алда деп ант етіп, Бийя билікке деген ынтасы барын айтты.

Бийяның 40 жылдан астам билігінде талай қиындықтар болды. Елді сыбайлас жемқорлық жайлап, Камерунның ағылшын тілінде сөйлейтін провинцияларында сепаратистік қозғалыстар болды. Салдарынан талай адам өліміне әкелген қақтығыстар жалғасты.

"Президент Бийяның қайтадан сайлауға түсуі Камерундағы саяси ауысудың тоқтап қалғанының айқын белгісі. 40 жылдан астам биліктен кейін ел қайталауды емес, жаңаруды қажет етеді. Камерундықтар демократиялық өзгерістер мен жауапты көшбасшылыққа лайық", – деді құқық қорғаушы заңгер Нконго Феликс Агбор.