Камералар көлік тізгіндеген кезде әлеуметтік желілерде отырған жүргізушілерді іздейтін болады
Аустралия билігі жолдарда жаңа камераларды орнатпақ. Құрылғы көлік тізгіндеген кезде әлеуметтік желілерде отырған жүргізушілерді іздейтін болады.
Бұл туралы жергілікті News порталына сілтеме жасап Stan.kz хабарлайды.
Бейнебақылау жүйесінің атқаратын негізгі міндеті – көлік тізгіндеген жүргізушінің іс-әрекетін бақылау. Егер жүргізушінің көлік рөлінде отырған кезде смарфтон қолданғаны камераға түсіп қалса, жол қозғалысы ережесін бұзғаны тіркеліп, айыппұл салады. Аталған жүйе полицейлердің қатысуынсыз, автоматты түрде жұмыс істейді.
«Біз камералардың көмегімен заң бұзушыларды іздейтін боламыз. Осылайша, суретті жіберіп, олардың көлік тізгіндеген кезде телефон қолданғанын дәлелдейміз», – дейді жол полициясының өкілі.
Аталған жүйе бұған дейін Мельбурнде сынақтан өткізілген. Сонымен қатар жақын уақытта Жаңа Оңтүстік Уэльс штатында тексерілетін болады.
Оқи отырыңыз:
Мәскеуде сұрапыл дауыл соғып, салдарынан кішкентай қыз қайтыс болды (видео)
Күнде қарт анасын арқалап жүретін қырғыз қызы жұрттың жүрегін елжіретті (видео)
Жағажайларда күнге күюден қорғайтын иісмайларға тыйым салынатын болады
Үндістанда 12 жасқа дейінгі қыздарды зорлағандарға өлім жазасы тағайындалды