Израиль Газаның орталығындағы босқындар лагеріне шабуыл жасаған
Израиль қорғаныс күштері Газа секторының орталығындағы Нусейрат босқындар лагерінің солтүстігіне шабуыл жасады. Бұл туралы Stan.kz ақпарат агенттігі Al Jazeera сайтына сілтеме жасап хабарлайды.
Фото: Dknews
Шабуылдың салдарынан төрт адам қаза тапты. Марқұмдар көпқабатты үйде тұрған. Тағы бірнеше адам зардап шекті, құрбандардың нақты саны әлі белгісіз.
Израильдің Газа секторына жасаған соққылары салдарынан қаза тапқандар саны 35 857-ге жеткен. Ал Израильде 7 қазанда ХАМАС шабуылдарынан қаза тапқандар саны 1139-ға жетті, ондаған адам әлі тұтқында.
Еске салсақ, бұған дейін Израиль әскері Газадағы Рафахқа басып кіргені айтылды.
Талқылау