iPhone 17-де ешкім күтпеген аса маңызды функция пайда болды

Apple компаниясы қыркүйек айындағы дәстүрлі таныстырылымында жаңа iPhone топтамасын ұсынды. Смартфондардың базалық нұсқасынан бастап Pro үлгісіне дейінгі барлық нұсқалары айтарлықтай жаңартуларға ие болды. Бәріне рет-ретімен тоқталайық.

iPhone 17: Барлығы үшін Pro-деңгейі

iPhone 17-нің базалық нұсқасы көпшілікті таңғалдырды: Ол жылдар бойы тек жоғарғы үлгілерге ғана тән болған бірқатар функцияларға ие болды. Ең басты өзгеріс бірден көзге түседі: iPhone 17 экраны 6,3 дюймге дейін үлкейтілді және енді ProMotion технологиясын қолдайды, Always-on Display мүмкіндігі қосылды, ал сырттағы максималды жарықтылығы 3000 нитке жетеді.

Артқы камера қосарлы болып қала берді, алайда ультракең бұрышты модуль 48 мегапиксельге жаңартылып, макротүсірілім мен детализацияны әлдеқайда жақсы орындайды. 7 қабатты жарқылды азайтатын жабыны ең жарық күннің өзінде де экранды айқын көруге мүмкіндік береді. Төзімділігі де артқан: жаңа Ceramic Shield 2 жабыны сызаттарға үш есе төзімді.

Базалық жад көлемі екі есе артты – енді iPhone 17 256 ГБ-ден басталады. Өнімділік үшін A19 чипі жауап береді, ол A18 чипінен 20% жылдам. Осының арқасында iPhone 17 отыз сағатқа дейін видео көрсете алады. Жылдам қуаттау жүйесі жылдамдай түскен: 40 Вт адаптермен 20 минутта 50% қуат жинайды.

iPhone 17 Pro – мүлде жаңа нұсқа

Алты жыл ішінде алғаш рет Pro нұсқасының дизайны түбегейлі өзгерді. Батыл түстер, ұзартылған камера блогы, материалдардың жаңартылуы – iPhone 17 Pro-ны мүлде жаңа iPhone сияқты көрсетеді.

Құрылғының корпусы енді біртұтас алюминий жақтаумен жабдықталған: компания титаннан бас тартып, алюминийді таңдады, өйткені ол жеңілірек әрі жылуды жақсырақ таратады.

Pro нұсқасының ішінде MacBook қуатына ие A19 Pro чипі орналасқан – бұл чип A18 Pro-дан 40%-ға қуаттырақ. Мұндай өнімділік құрылғының қызып кетуіне қатысты сұрақ туғызуы мүмкін, бірақ буланатын камерасы бар жаңа салқындату жүйесінің арқасында алаңдауға негіз жоқ.

Қазір плато деп аталатын камера блогы да айтарлықтай жаңартылған: алғаш рет iPhone 17 Pro-дағы барлық үш камераның да рұқсат етілген көлемі 48 МП болды. Батареяның автономды жұмысы едәуір жақсарды. Енді iPhone 17 Pro-мен видео қарағанда 33 сағатқа дейін үзбей көре бересіз. 

iPhone Air – жеңіл салмақтағы чемпион

iPhone Air – Apple компаниясының соңғы жылдардағы ең батыл дизайнерлік қадамы. Ол өте жұқа, қалыңдығы небәрі 5,6 миллиметр. Бұл осыған дейін жасалған ең жеңіл әрі жұқа iPhone, ультрапортативті құрылғыларды бағалайтындар үшін мінсіз таңдау.

Жіңішке жақтауына қарамастан, iPhone Air берік әрі қуатты: корпусы жылтыратылған титаннан жасалған, ал ішінде үш чип бар – A19 Pro, сымсыз байланысқа арналған Apple N1 және C1X ұялы байланыс модемі.

Базалық iPhone 17 сияқты, ол да ProMotion экранымен және Always-on Display қолдауымен жабдықталған. Батареяның автономды жұмысы да таңғалдырады: iPhone Air видео қарау режимінде 27 сағатқа дейін жұмыс істей алады.

iPhone Air өте жұқа болғандықтан, тек бір негізгі камерамен жабдықталған, бірақ бұл оның жоғары сапалы фотосуреттер түсіруіне кедергі келтірмейді. Сонымен қатар физикалық SIM картаға арналған ұядан бас тартылып, тек eSIM қолданылған – бұл экологиялық тұрғыдан тиімді шешім.

Барлық жаңа iPhone-дардың ортақ ерекшеліктері қандай?

Барлық модельдер бірдей алдыңғы Center Stage 18 МП камерасымен жабдықталған. Енді камера кадрда көп адам болса, өздігінен көрініс бұрышын кеңейтеді, көлденең селфи жасауға, топтық түсірілім кезінде кадрды үлкейтуге және видеоқоңырау кезінде негізгі нысанды орталықта ұстауға болады. Мұның бәрі үшін телефонды төңкерудің қажеті жоқ.

Қосарлы түсіру режимі негізгі және алдыңғы камерамен бір уақытта видео түсіруге мүмкіндік береді: нәтижесінде “сурет ішінде сурет” пайда болады, негізгі видеоның бұрышында кішкентай селфи-видео көрсетіледі.

eSIM қолдауы

Барлық iPhone 17 модельдері eSIM-ді қолдайды – бұл физикалық SIM карта пайдаланбай-ақ ұялы байланысты баптауға мүмкіндік береді.

Бір құрылғыда сегіз немесе одан да көп eSIM сақтап, екі нөмірді бір уақытта пайдалана аласыз. Мәселен, жұмыс пен жеке қажеттіліктерге немесе саяхат кезінде. Егер әлі eSIM қолданбасаңыз, ауысу және іске қосу шарттарын мобильді операторларыңыздан нақтылай аласыз.

iPhone 17 топтамасында әркім өзіне лайықтысын таба алады. Алдын ала тапсырыс Қазақстандағы Apple компаниясының ресми сатушыларында қолжетімді: iSpace, Sulpak, Technodom, Mechta, activ, Evrika, Freedom Mobile, Tele 2 және Beeline. Жаңа iPhone-дардың алғашқы иелерінің бірі болу мүмкіндігін жіберіп алмаңыз!

Жарнама құқығында