"Инсульт алған әйелді жаттығу жасауға мәжбүрлеген": Қазақстандықтардың ер адамның дөрекілігіне ашуланды
Алматыда ер адам әйелін көшедегі жаттығу құрылғысында жаттығуға күштеп мәжбүрлегені түсірілген видео әлеуметтік желіде таралды. Бұл туралы Stan.kz ақпарат агенттігі хабарлайды.
Фото: Видеодан скрин
Telegram-арнасында жарияланған видеода "ер адам әйелді жаттығуға мәжбүрлейді" деп жазылған. Сонымен қатар ол әйелдің бұған дейін инсульт алғаны және жергілікті тұрғындардың бұл көрініске күн сайын куә болатыны айтылған.
Кадрлардан ер адамның әйелді күшпен жаттығу құрылғысына отырғызуға тырысып жатқаны көрінеді. Оған бұл үлкен қиындықпен беріледі, содан кейін әйел жаттығулар жасай бастайды. Видео авторлары бұл әрекетке ашуланған.
Алматы полиция департаменті бұл оқиға бойынша "102" пультіне ешқандай шағым, хабарлама немесе қоңырау түспегенін хабарлады.
"Қазір Әуезов ауданы Полиция басқармасының қызметкерлері тексеру жүргізіп жатыр. Оқиғаға қатысушылар мен мән-жайлар анықталып, Қазақстан Республикасының заңнамасына сәйкес шаралар қабылданады", – деп мәлімдеді полицияда.
Еске салайық, бұған дейін Атырау облысының полициясы қызды күшпен көлікке отырғызып жатқан видеоға қатысты пікір білдірген еді. Полицияның мәліметінше, жәбірленуші шағымданудан бас тартқан.