Индонезияда әлемдегі ең семіз бала диетаға отырды (фото)
Индонезияда салмағы 192 келі болатын 10 жастағы баланы ата-анасы диетаға отырғызуға мәжбүр болды.
Бұл туралы today.kz хабарлайды.
Арья Пермана әлемдегі ең толық бала. Ата-анасы бала шектен шыққан семіздіктен көз жұма ма деп қорқады. Демікпемен ауыратын ол мектепке бармайды.
Бала күніне бес мәрте тамақтанады. Онда да тек пайдалы деген тағамдарды ғана: күріш, балық, сиыр еті, көкөніс сорпасы. Осылайша ол екі ересек адамның тамағын бір өзі ішеді.
“Ол тек ұйықтайды және тамақ ішеді. Кейде бірнеше сағат бойы бассейнде отырады”, – дейді Арьидің анасы Рокайя.
Ол баланың 3,2 келі әдеттегі салмақпен туылғанын айтады. Алайда екі жасынан бастап күрт тола бастаған. Әйел баласының салмақ тастап, мектепке барып достармен араласқанын қалайды.
Рокайяның айтуынша, баласы үнемі “аш жүреді” екен. Сол себепті оны тамақтандыру үшін ата-анасына тұрақты түрде табыс табуға тура келеді.